(108). TINGTING MINGGU TGL. 25 APRIL 2021

 HURIA KRISTEN BATAK PROTESTAN – HKBP

Pengakuan Pemerintah 11 Juni 1931 No. 48, Staatsblad Thn. 1932 No. 360.

Pengakuan Ulang Pemerintah RI. Cq Dep. Agama RI. No. 33 Tgl. 6 Feb 1988

HKBP PETUARAN

Ressort Perbaungan Distrik XXIX Deli Serdang

Kel. Petuaran Hulu, Kec. Pengajahan, Kab. Serdang Bedagai

Rekening Gereja – An. HKBP Petuaran – Ressort Perbaungan; No Rek. 107 00 1549906 6 – Bank Mandiri

PARTURE NI ACARA MINGGU

PANJANGKONON SINTUA

PABORHATHON SINTUA TU PENSIUN 

& Ev: 1 Johannes 3 : 19 - 24             & Ep: Josua 1 : 5 - 8

TOPIK :

MANGOLOI PARSURUON NI TUHAN I

 MINGGU, 25 APRIL 2021

 * Tetaplah Menerapkan Ibadah Protokol Kesehatan 3 M (Memakai Masker, Mencuci Tangan, Menjaga Jarak) *

I. PARTURE NI ACARA MINGGU

01. PAMUHAI (U : Uluan     R : Ruas)

U   :  Horas jala selamat ari Minggu ma di hita saluhut na! Dipargogoi Debata Jahowa do hita, tung pe sahat tu tingki on di bagasan parungkilon dope sandok portibi on alani pandemi Covid 19 on. Alai di bagasan holongNa boi do hita patupahon parsombaonta tu Debata. Alani i tapungka ma parmingguonta di tingki on, marhite na martangiang na hohom hita di na sangombas on. (saat teduh)

               Di minggunta sadari on, nunga bongot hita tu minggu parpudi di bulan April on, i ma Minggu Jubilate, lapatanna: “Marolopolop tu Debata ma, ale sandok tano on”. Ala ni i, taulahon ma hata ni par Psalmen na mandok : Oloi hamu ma Jahowa marhitehite las ni roha, ro be ma hamu tu joloNa marhitehite olopolop.

 R   :  Alai anggo ahu, marhaposan tu asi ni rohaM do ahu, ingkon marolopolop rohangku mida pangurupiM, marende ma ahu tu Jahowa, ai denggan do uhumNa tu ahu.

 U   :  Marlas ni roha jala marolopolop ma hita mida Debata, endehonononta ma goarNa Natumimbul! Tapasahat ma olopolopta tu Debata marhite na marende hita sian BE. No. 565 : 1 + 4!

02. MARENDE BE. NO. 565 : 1 + 4  “ LAS ROHANGKU LAO MAMUJI ”

            ^♫♪♫ Las rohangku lao mamuji Debata Parholong i,

             Songon bunga na mangerbang di na binsar ari i.

             Arsak, dosa, haporsuhon mago dibaen asiMi.

             Las ni roha na manongtong lehon di au Tuhanhi.

                                                (Jongjong)

           ^♫♪♫ Rap ma hita mangendehon, sangap di GoarNa i,

             Tapangiar soaranta lao mamuji Tuhan i.

             Sun do holong ni rohaNa na so marnamontok i,

             I do pasadahon hita salelenglelengna i.

03. VOTUM – introitus – tangiang          (U : Uluan     R : Ruas)

U   :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on. Amen.  Marolopolop tu Debata ma ho, ale sandok tano on! Endehon hamu ma hamuliaon ni GoarNa, marmulia bahen hamu pujipujianNa. Dok hamu mandok Debata: Tung na songkal do angka pambahenanMu! Binahen ni hinatimbul ni gogoM, ingkon marsomba tu Ho angka musuM,  Haleluya !

R   :               (Mangendehon): Haleluya, Haleluya, Haleluya!

U   :               Martangiang ma hita! Ale Tuhan Debata, Parasiroha na sumurung! Didok HataM do, ingkon manaon hami jala mate rap dohot Tuhan Jesus Kristus, asa rap hami dohot Ibana tu hasangapon. Sai parrohai ma hami, asa unduk hami tu lomo ni rohaM jala hot hami di haporseaon na ture asa tongtong mangkirim di haheheon dohot di hasangapon sogot silehononMu tu angka na porsea di Ho. Amen.                (Hundul)

04. MARENDE BE. NO. 125 : 4 “ MARLAS NI ROHA HITA ON ”

^♫♪♫ O Jesus, tatap hami on, sai pargogoi sude

               Marhitehite TondiMi,  pasauthon angka patikMi

               Mambaen rarat baritaMi, di nasa jolma pe, di nasa jolma pe

05. Patik      (U : Uluan     R : Ruas)

        U    :  Patik ni Debata sihangoluhonta di minggu Jubilate sadari on tarsurat sian 5 Musa 10 : 12 – 13: Nuaeng pe, ale Israel, aha do na pinangido ni Jahowa, Debatam sian ho, nda asal marhabiaran ho tu Jahowa, Debatam,

R   :  Jala marparange ho di saluhut dalanNa, huhut marroha haholongon mida Ibana dohot mangoloi Jahowa, Debatam sian nasa roham dohot sian nasa ateatem!

U   :  Huhut asa radotanmu angka tona ni Jahowa dohot aturanNa, angka na hutonahon tu ho sadari on mambahen hasonanganmu. (Antong rap mangido gogo ma hita sian Tuhan Debata).

R   :  Ale Tuhan Debata, sai pargogoi ma hami mangulahon na hombar tu patikMi. Amen.

06. MARENDE BE. NO. 180 : 1 + 4   “ RO TU JESUS HO NA LOJA ”

          ^♫♪♫  Ro tu Jesus ho na loja, na maheu i

              Lam lumbang do di lambungNa, rohami      (Jongjong)

          ^♫♪♫  Apulapul sae ni dosa, hangoluanmi

             Saluhut dilehon Jesus, tuami

07. TANGIANG MANOPOTI DOSA      (U : Uluan     R : Ruas)

      U :    Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho; ndada mangasahon hatigorannami, na mangasahon asi ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, Sipangolu hami. Amen.

----- Tangiang na hohom huhut diiringi organ -----

    U :     Tabege ma hata bagabaga taringot tu hasesaan ni dosa! Songon on do Hata ni Tuhan Jahowa: Nunga diarsahi Ho Ahu marhite  sian angka dosam, jala nunga dilojai ho Ahu marhite sian angka  hajahatonmu. Ahu tutu, Ahu sandiri manalesei angka pangalaosim ala ni hadirionKu, jala ndang be Hupaingotingot angka dosam. Hasangapon ma di Debata na di ginjang!

    R     :    Amen.          (Hundul)

08. MARENDE BE. NO. 475 : 1   “ HO TONGTONG IHUTHONONHU ”

           ^♫♪♫  Ho tongtong ihuthononhu Jesus, sipangolu au.

               Tung na so tadingkononhu, Ho na paluahon au.

               Sai marguru au tu Ho, sai marguru au tu Ho,

               Ho tongtong ihuthononhu Jesus, sipangolu au.

09. E p i s t e l              (U : Uluan     R : Ruas)

U   : Hata ni Debata di minggu Jubilate sadari on, ima na tarsurat di Josua 1 : 5 – 8. Ndang adong manang ise na manahan jongjong di joloM saleleng ho mangolu, songon pandonganingKu di si Musa, dongananKu ho; ndang tagamon pasombuonKu manang tadinghononHu ho.

R   :  Pir ma tondim jala marsihohot, ai ingkon ho do marbagi tano on bahen partalian ni bangso on, na Huuarihon tu ompunasida, lehononKu tu nasida.

U   :  Asal pir tondim, jala marsihohot situtu mangaradoti dohot patupahon hombar tu sude patik, angka na tinonahon ni si Musa, naposongKi tu ho. Unang manimbil ho sian i tu siamun manang tu hambirang, asa marmulia ho manang dompak dia ho mangalangka.

R   :  Unang meret buku ni patik on sian pamanganmu, sai pingkirpingkiri ma i arian dohot borngin, asa diradoti ho, jala dipatupa ho, hombar tu sude na tarsurat di bagasan i, asa maruntung ho di angka dalanmu, jala marmulia parulaonmu.

U   :  I ma sahatna. Martua do angka na tumangihon Hata ni Debata jala na umpeopsa. Amen.

10. MARENDE BE. NO. 252 : 1 + 4  “O JESUS SAI DONGANI ”

             ^♫♪♫ O Jesus sai dongani ma hami sasude

               Pasada rohanami, asa bulus sude.     

      (Jongjong)

            ^♫♪♫ Laos songon dongannami, dongani hami on

              Di na tarsosak hami, di hasiangan on.

12. MANGHATINDANGHON HAPORSEAON

U   :  Tahatindangkon ma haporseaonta i, songon na hinatindangkon ni donganta sahaporseaon di sandok portibion. Rap ma hita mandok!

 

R   :  Ahu Porsea…..               (Hundul)

 13. TINGTING HURIA                                                                                   (HP Agar di Non Aktifkan)

NO.	TATA IBADAH	MINGGU SIANG (BE) 10:00 WIB	PARTANGIANGAN (BE) 19:30 WIB
1.	Marende No.	T A T A   I B A D A H D I S E D I A K A N O L E H   G E R E J A	Marende BE. No. 362 : 1 – 2
2.	Votum – Introitus		A. X. B. 4 / D. VII. 26
3.	Marende No.		Turpukkl Epistel :  Psalmen 150 : 1 – 6
4.	Patik
5.	Marende No.
6.	Manopoti Dosa		Marende No. 770 : 1 + 3
7.	Marende No.		Jamita : Pangungkapon 15 : 1 – 4
8.	Epistel
9.	Marende No.
10.	Manghatindanghon Haporseaon		Marende No. 251 : 1 + 3
11.	Koor		Tangiang Sian Na Ro
12.	Tingting Huria		Marende No. 585 : 1 – 2
13.	Koor		Tangiang Sian Parjabu
14.	Marende No.		Marende No. 587 : 1 – Pelean
15.	Jamita		Tangiang Panutup
16.	Marende No.		Tangiang Ale Amanami
17.	Tangiang Panutup + Pasu – Pasu + Amen – Amen – Amen		Pasupasu

II. PARHOBAS PARMINGGUON & PARTANGIANGAN

ULAON	MINGGU SIANG	PARTANGIANGAN
Parjamita	Pdt. Freddin A.S. Bancin, M.Th	St. F. Manurung
Paragenda	St. M. Manurung	St. R. br. Sitorus
Tingting	St. N. br. Pardosi	-
Papungu Pelean	Marpelean Tu Jolo	Marpelean Tu Jolo
Parorgan	CPdt. Rahman Tamba, S.Th	CPdt. Rahman Tamba, S.Th
Harentaon	St. A. Simanjuntak, St. F. Manurung	St. P. Nainggolan

 III. JADWAL KEBAKTIAN LINGKUNGAN & LATIHAN KOOR

PELAYANAN	ARI	PUKUL	INGANAN / ALAMAT
SERMON HURIA	Selasa	20 : 00 WIB	DITIADAKAN UNTUK SEMENTARA WAKTU
SERMON PARHALADO RESSORT	Jumat	14 : 30 WIB	HKBP PERBAUNGAN – JUMAT, 14:00 WIB
PARTANGIANGAN	Rabu	19 : 30 WIB	GEREJA HKBP PETUARAN Namanjabui A. Gunawan Pane / St. N. br. Pardosi
PHD INA + KOOR	Kamis	20 : 00 WIB	DITIADAKAN UNTUK SEMENTARA WAKTU
PHD AMA + KOOR	Jumat	20 : 00 WIB
PHD RN + KOOR	Sabtu	20 : 00 WIB

Barang siapa melayani Aku, ia harus mengikut Aku dan dimana Aku berada, disitu pun pelayanan-Ku akan berada. Barangsiapa melayani AKu, ia akan menerima Bapa (Yohanes 12:26).

IV. DIAKONIA

Taboan be ma dibagasan tangiangta angka ruas ni Hurianta na dibagasan parsahiton / pemulihan, asa lam tumibu malum sian parsahitonna.

No.	GOAR DAN MARGA	SEKTOR	KETERANGAN
1.
2.

Yesus berkata kepadanya: “Aku akan datang menyembuhkannya” (Matius 8:7).

V. ULANG TAON HATUTUBU DOHOT PARSARIPEON

Saluhut parhalado dohot ruas HKBP Petuaran pasahathon selamat ulangtahun ma tu amanami, inanami, naposobolung, remaja nang dakdanak, na marulang tahun (hatutubu dohot parsaripeon) dibagasan na saminggu on, ima mulai tgl. 28 April 2021 sahat tu tgl. 01 Mei 2021. 

NO.	GOAR – MARGA	TUBU	MARBAGAS	UMUR / TAHUN
1.	Tobi Fransiska Marito br. Manurung	28 – 04 – 1993	-	28 Tahun
2.	Herman Silaen	28 – 04 – 1990	-	31 Tahun
3.	Vita Eprilia br. Saragi	29 – 04 – 2013	-	08 Tahun
* Sesuai Dengan Database Yang Diterima Oleh Majelis Gereja

Karena oleh Aku umurmu diperpanjang dan tahun-tahun hidupmu ditambah (Amsal 9:11).

TINGTING NA MARRAGAM

1. GOAR NI MINGGU

Goar Ni Mingguta Sadarion Ima : Minggu Jubilate, Jala Topik Minggunta Ima : Mangoloi Parsoruon Ni Tuhan I – Menuruti Perintah Tuhan.

2. TOROP RUAS NA MANDOHOTI PARMINGGUON DOHOT PARTANGIANGAN

	PARMINGGUON (Minggu, 18 April 2021)	PARTANGIANGAN (Rabu, 21 April 2021)
Ruas Ama	12	2
Ruas Ina	34	16
Ruas Remaja / Naposo	17	2
Sikkola Minggu (08:00)	11	-
Parhalado	11	10
TOTAL	74 HALAK	30 HALAK

3. PELEAN BULANAN HKBP PETUARAN ( MEI )

Pinabotohon Ma Tu Saluhut Ruas Ni Hurianta, Di Ari Minggu Na Naeng Ro Tgl. 02/05/2021 Tapatupa Do Marpelean Bulanan ( MEI ) Ima Tu Haporluon Guguan Taon Ni Hurianta.

4. MARPELEAN TU JOLO

Pinabotohon Ma Tu Saluhut Ruas Ni Hurinta, Di Minggunta Sadarion, Tapatupa Do Marpelean Tu Jolo Songon “Tanda Kasih” Ima Tu Ulaon Paborhathon Sintua Na Pensiun.

TINGTING PARHEPENGON

No.	PENERIMAAN		HADIR	HURIA		PEMB	PUSAT
				(Rupiah)
A. PELEAN IBADAH
1.	P. Minggu	18/04/2021	74	Rp. 263.000		Rp. 262.000	Rp. 83.000
2.	P. Sikola Minggu		11	Rp. 15.000		-	Rp. 5.000
3.	Pelean Partangiangan		30	Rp. 143.000		-	-
B. BALANJO ULUAN
1.	-			-		-	-
C. GUGUAN TAON
1.	-			-		-	-
D. HAMULIATEON DLL;
1.	-			-	-			-
TOTAL   (Pelean Tingting Tgl. 25 / 04 / 2021)				Rp. 421.000		Rp. 262.000	Rp. 88.000

 14. MARENDE BE. NO. 254 :  4 – 6 “ O JESUS SIPANGOLU ”

^♫♪♫ Patiur ma rohangku, marhite TondiMi

      Ai naeng do antusanHu, hataM na denggan i

      Naeng haporseaanhu, tongtong hasintonganMu,

padaohon jea i.

             ^♫♪♫ Pagorgor di rohangku ma holong ni rohaM

        Ai naeng haholonganhu do Ho ro di hataM

     Sai naeng pasauthononhu do lomo ni rohaMu,

     dibaen denggan basaM.

                             ------ Musik ------

            ^♫♪♫ Antong sai pargogoi ma au on na bojok i,

              Ai ingkon dipatupa TondiM do i sude

              Tung aha ma gogongku, lao mangoloi patikMu?

              Di au soada be.

15. JAMITA : 1 Johannes 3 : 19 – 24 ( Pdt. Freddin A.S. Bancin, M.Th )

16. MARENDE BE. NO. 752 : 1, 2, 4 “TUHAN PATULUS MA SANGKAP-MI”

                    ( P. Pelean 1a, 1b, 2a + Pelean Tu Ulaon Paborhathon Sintua Na Pensiun )

          ^♫♪♫ Tuhan patulus ma sangkapMi tu ahu on

             Na tinompaMi. Tompa ma au hombar tu lomoM

             Guru di Ho ma sandok au on.

^♫♪♫ Tuhan patulus ma sangkapMi, parbadiai ma pingkiranhi

                  Sai pargogoi au tinobusMi, mangaradoti na nidokMi.

                                                  ------ Musik ------

                 ^♫♪♫ Tuhan patulus ma sangkapMi, sai togu-togu ma langkangki

                 Gohi ma au dohot TondiMi, tongtong Ho mian dirohangki.

 II. PARTURE NI ACARA PANGJANGHONON SINTUA DOHOT SINTUA NA PENSIUN

 A. PANGJANGHONON SINTUA 

1.   Marende Be. No. 156 : 4 “ Jahowa Tuhanki ”

(Tingki marende hita, Jongjong ma angka Calon Sintua nanaeng manjalo Tohonan mangadop langgatan dipudina ma keluarga, laos marhaliang ma angka Sintua di langgatan manjangkon Sintua na manjalo Tohonan).

^♫♪♫ Sai tatap ma dison, O Jesus siseanMu.

      Najongjong di joloM, mangido lehononMu.

      Tu ganup tondiMi, nang huasona pe.

      Manogu bangsoMi, nang mangajari pe.

2.   Tabege ma syarat taringot tu Tohonan Sintua di HKBP hombar tu aturan dohot peraturan bagian III, Ponggol VI, halaman 129 : (Parhalado Ressort)

3.   Manjaha SK  Sintua : (Parhalado Ressort)

Hamu angka dongan sahuria! Sadari on patupaon ni Hurianta do marhite naposoNa pasahathon Tohonan Hasintuaon tu 3 halak nanaeng gabe Parhalado di Hurianta HKBP Petuaran on, antong tabege ma SK Sintua :

1.      CSt. Tahi Pasaribu

2.      CSt. Parlindungan Nainggolan

3.      CSt. Roslin br. Sitorus pane

4.   Pangarimpunan ni ulaon sintua  (Pendeta Ressort)

Nunga jongjong nuaeng nasida dison na hitapillit bahen Sintua di tongatonganta. Naeng pangidoonnasida ma pasupasu sian Tuhanta i, asa margogo nasida mangulahon ulaonnasida. Antong! Tabege ma jolo pangarimpunan ni ulaon ni Sintua :

1.    Pangula ni Huria do nasida mamatamatahon dongan angka na pinasahat tu nasida dohot mangaramoti parange nasida. Molo diboto nasida, na hurang ture parange ni manang ise, ingkon pinsangon nasida do i, manang paboaon nasida tu  Uluan dohot tu Pandita, asa dipature.

2.    Mandasdas donganta tu Parmingguan dohot manangkasi alana aha umbahen na so ro.

3.    Mandasdas anak boru singkola, asa ondop ro.

4.    Maningkir angka na marsahit jala paturehon na ringkot tu nasida dohot na tarpatupasa, alai na rumingkot, pasingothon Hata ni Debata tu nasida dohot tumanginghonsa.

5.    Mangapuli angka na marsak, paturehon angka na dangol dohot na pogos.

6.    Mangapuli angka sipelebegu, angka parugamo na asing dohot angka na lilu, asa dohot marsaulihon hangoluan na pinatupa ni Tuhan Jesus.

7.    Mangurupi paturehon angka guguan dohot ulaon na ringkot tu Harajaon ni Debata.

5.  Manjahahon Ayat sian Angka Sintua

6.  Pasahathon Tohonan Sintua

a.   Pendeta Ressort :

      On pe, hamu na hinaholongan, naeng tangkas botoonnami burju ni rohamuna mangaradoti ulaon hasintuaon i. Dibahen i alusi hamu ma na husungkun on :

1.  Na olo do hamu mamarangehon parange na tama di jolo ni Debata dohot di jolo ni jolma?

2.   Na olo do hamu manjalo ulaon hasintuaon songon naung dipajojor ondeng tu hamu?

3.   Na olo do hamu mangaradoti sude sian nasa roha dohot sian nasa gogomuna hombar tu Hata ni Debata?

      Molo naung sada rohamuna mangoloi jala marpadanhon sudena i di jolo ni Debata dohot di jolo ni donganta sahuria on, dok hamu ma alusmuna.  

b.   Sintua na naeng manjalo Tohonan mangalusi:

                                    Na olo do hami, sai dipargogoi Tuhan i ma hami.

c.                   Marsijalangan huhut manjaha surat tohonan :

d.                   Pasahathon Pasu-pasu (Marsinggang) :

e.  Pasahathon Agenda dohot SK :

(Dung sidung  manjalo Pasupasu Tohonan hasintuaon, dipangido ma asa Sintua na baru manjalo Tohonan mangadop tu ruas) 

f.   Pasahathon tu Huria  sintua na manjalo Tohonan dohot panjangkonon sian huria :

   Pdt.     :  Hamuna dongan sahuria di HKBP Petuaran on, jangkon hamu ma nasida dibagasan dame. Sude ma hita on manggogo tumangianghon nasida, asa manjadi ulaonnasida i, huhut manghorhon hasangapon ni Tuhanta Jesus Kristus Raja ni Huria i.

  Huria  :  Hujangkon hami ma tutu nasida gabe Parhalado di Huria ni Tuhanta dibagasan holong dohot dame na sian Tuhanta i.

(Di tingki marende, sintua na baru manjalo tohonan, dohto dongan  sintua  hundul ma tu inganan na be, jala maju ma tu jolo sintua na pensiun) 

7.  Marende Be No. 140: 3 – 4 “ Girgir ma hamu ”

      ^♫♪♫ Radoti burju hataNa sude, sai monang hamu baenonNa muse.

 Ibana do Raja na tong monang i, torop pe aloNa sumurut do i.

     ^♫♪♫ Asi ma rohaM, ale Debata. Pasaut ma HataM, tumpahi na ma.

   Sude naniula ni naposoMi, Sai baen ma martua sude jolma pe.

B. PABORHATHON SINTUA NA PENSIUN

1.  Manjaha Surat Keputusan tu Sintua na Pensiun:  

 Pdt :                 Hamuna angka dongan na sahuria! Sadarion patupaonta do pasahathon Surat Keputusan tu Sintua na pensiun sian haparhaladoon di Hurianta HKBP Petuaran on ala naung gok umur nasida 65 taon hombar tu Aturan-Peraturan ni Hurianta HKBP. Hamuna Sintuanami : St. Lumani br. Siagian, Sadari on patupaon ni Hurianta ma tutu Ulaon pensiun sian hasintuaon tu hamuna. Dihilala rohanami do burju dohot ringgas ni rohamuna mangula tohonan hasintuaon i di  HKBP Petuaran on. Diramoti jala dipasu-pasu Debata ma hamu di ari-ari ni ngolumuna,  jala dipasupasu Tuhanta ma nang ulaon panghobasion-muna di Huria on manghorhon hasangapon dohot puji-pujian di goar ni Debata Parasi roha i. Nuaeng, tabege ma jolo dijahahon Parhalado Ressort Surat Ketetapan Pensiun sian hasintuaonmuna sadari on.

 

   2. Parhalado Ressort Manjaha Surat Ketetapan Pensiun Sintua

 

   3. Pandita Ressort Pasahathon hata mauliate:

         Pdt : Nunga dibege hamu taringot tu Surat Ketetapan Pensiunmuna sian hasintuaon di   

    HKBP Petuaran on. Antong, hamauliatehon hamu ma tu Tuhanta Pardenggan basa i  

    sian na sa rohamuna.  

        Sintua na pensiun manghamauliatehon

                       Tama situtu do hami mandok mauliate tongtong tu Debata siala hamu ale angka dongan, songon na patut, ai na ganda situtu do haporseaonmuna, laos tamba holong ni roha ni ganup hamu sama hamu (1 Tess 1: 3).

 

   4. Manjalo Surat Ketetapan Pensiun, diuduti ma Pasahat Kenang-kenangan,

        cendra mata sian Huria

   5. Mandok Hata (Kesan dohot Pesan)

            (Tujolo jongjong ma sintua na ditabalhon dohot sintua na pensiun)

            1. Utusan sian sahalak ruas

            2. Utusan sian sahalak Parhalado

            3. Sintua Na Pensiun

            4. Sahalak sintua na baru di tabalhon

   6. Marende Be. No. 171: 1 – 2  “ Tandai ma au ”

    ^♫♪♫ Tandai ma au, sungkapi ma dohot rohangku. Uji ma au. Pamanat huhut ma dalanku.  Olo di tanda Ho au Debata.    (Jongjong)

  ^♫♪♫  Asi ma rohaM, taringot tu pangalahongku. Olo, tutu, jotjot do na lilu dalanku. Sesa dosangku sude Debata.

 17. TANGIANG PANUTUP : PELEAN, ALEAMANAMI, AMEN, AMEN, AMEN