(105). PARTURE NI ACARA MINGGU PASKAH DOHOT TINGTING MINGGU TGL. 04 APRIL 2021

PARTURENA PARMINGGUON PASKAH I & II – PARNINGOTAN   ARI HAHEHEHON NI TUHAN JESUS HKBP  PETUARAN - RESSORT PERBAUNGAN DISTRIK XXIX DELI SERDANG

 Rekening Gereja – An. HKBP Petuaran – Ressort Perbaungan; No Rek. 107 00 1549906 6 – Bank Mandiri

                         Ev.  Markus 16 : 9 – 18                             Ep. Johannes 20 : 1 – 10                    

TOPIK

HUASO HAHEHEON NI JESUS

HURIA KRISTEN BATAK PROTESTAN

MINGGU 04 APRIL 2021

* Tetaplah Menerapkan Ibadah Protokol Kesehatan 3 M (Memakai Masker, Mencuci Tangan, Menjaga Jarak) *

01.  PAMUHAI

U: Selamat Paskah ma di hamu saluhutna ruas ni hurianta, angka na hinaholongan di bagasan goar ni Tuhanta Jesus Kristus!

H: Selamat Paskah ma tutu nang di hamu na manghobasi hami sadari on!

U: Na marpungu do hita muse sadari on manghalashon haheheon ni Tuhanta Jesus Kristus sian hamatean. Marhuaso situtu do haheheonNa i laho pamatehon huaso ni hamatean asa mangolu angka na mate.

H: Tama ma pujipujian dohot hasangapon di Ibana saleleng ni lelengna.

U: Ima tutu! Antong tapuji jala tapasangap ma Ibana na marmulia i, marende ma hita!

02. Marende BE No. 93 : 1 – 3, “Pesta Paska hatuaon” BL. No.178.

Ø  Pesta Paska, hatuaon!  Pesta Paska haluaon,

Sian hamatean i! Sian hamatean i

Tuhan Jesus do pasuang hangoluan,

hasonangan tu saluhut jolma i.

Ø  Talu ho banuatoru, ndang tarbahen tiopanmu

Raja Siparngolu I, Raja Siparngolu i

Hamatean, hamagoan, na so pola habiaran,

 nunga talu i sude.

                           …. Jongjong….

Ø  Tuhan Jesus do na monang, Tuhan Jesus do pasuang,

Las ni roha dame pe Las ni roha dame pe

Dongan golom ma hataNa na porsea di Ibana

 ndang tarbahen mago be.

03. VOTUM – introitus – tangianG

U     :  Marhitehite  Goar ni Debata Ama dohot Goar ni AnakNa Tuhan Jesus Kristus dohot  Goar ni Tondi Parbadia, na tumompa langit dohot tano on. Amen.  Nunga hehe Tuhan i, nunga tutu hehe Ibana. Ari on do na jinadihon ni Jahowa, marolopolop jala marlas ni roha ma hita disi. Batu naung binolongkon ni angka pande bagas, i ma gabe batu parsuhi. Pinamasa ni Jahowa do i, halongangan do i anggo di matanta. Haleluya!

H  :               (Mangendehon): Haleluya, Haleluya, Haleluya!

U   :  Martangiang ma hita! Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateMi, ala disondangi Ho tanomannami, asa marpanghirimon na mangolu hami ala ni haheheonMi. Ndang pola be mabiar hami mida hamatean, ai Ho do ulunami, ruasMu do hami. Dipaunsat Ho do hami sian haholomon tu hatiuron, sian hamatean tu hangoluan. Antong, pargogoi ma hami mamuji dohot mangoloi Ho ariari, pasangaphon Ho di bagasan haporseaon na mangolu, paima sahat hami tu lambungMu. Amen.  (Hundul)

04. Marende BE No. 95 : 1 + 3, “Ngot ma ho dijou soara” BL. No. 44.

Ø  Haleluya taendehon nuaeng di ari haheheon Tuhanta Siparmonang i

Ai malua do Ibana haruar sian tanomanna na talu hamatean i.

Sun ulaonNa i dibaen Tuhanta i. Haleluya.

Naung sahat di Tuhanta i upaNa na sumurung i.

Ø  Na so pola habiaran ni hita on be hamatean, ai hita pe sai hehe do

Molo burju taihuthon Tuhanta i di parungkilon sai ingkon tu lambungNa ro

Diboan Jesus i do hita on muse tu lambungNa, Parmonang i.

Sai saut ma i binaen ni hagogoonMi.

05. Patik

U :    Tatangihon ma Patik ni Debata sadari on, i ma na tarsurat di Panindangion Haporseaon ni HKBP Bindu VI. Tahaporseai jala tahatindanghon do: Debata do patupa haluaon, ima haluaon sian dosa, sian gomgoman ni sibolis dohot hamatean, nang sian ragam ni huaso na maralo tu hata ni Debata. Sian asi dohot holong ni roha ni Debata do dipatupa haluaon i marhite panghophopon ni AnakNa na sasada i, Tuhan Jesus Kristus na mate di hau pinarsilang, na tuat tu banuatoru dung ditanom jala na mulak mangolu di ari patoluhon.

H :                Dalan manjalo haluaon i, ima marhite haporseaon na tinubuhon ni Tondi Parbadia  jala haporseaon i do dirajumi Debata gabe hapintoran ni jolma.

U :                 Ia haluaon i hamuliaon ni Debata dohot hatuaon ni jolma i do i. Nunga malua na porsea i, atik pe godang dope parungkilon sibolusonna di portibi on. Sai dipalua asi ni roha ni Debata do na porsea i sian ragam ni mara di ngolu siganup ari, di ngolu pardagingon nang partondion pe, manang marsasahalak, manang marsasapunguan.

H :               Hataridaan ni haluaon i do ngolu ni na porsea i di portibi on, ima ngolu na marhabadiaon, na marparbuehon angka parbue ni Tondi.

U :                 Marhite poda on taondolhon do, na so adong haluaon na asing  sian haluaon na pinatupa ni Jesus Kristus jala Jesus Kristus sambing do nampuna halak na pinaluaNa i.

H :                Na so tarrampas sibolis manang angka huaso na asing be na porsea i sian gomgoman ni Kristus.

U :                 Alani i tatulak do poda na mandok, boi jolma i paluahon dirina sian gomgoman ni dosa, sibolis dohot hamatean marhite sian na manadingkon hariburon ni portibi on. Laos tatulak do poda na mandok usaho ni jolma i sandiri do na manontuhon haluaonna. (Antong rap mangido gogo ma hita sian Debata laho mangulahon na hombar tu patikNa i).

   U+R :   Ale Tuhan Debata, sai pargogoi ma hami mangulahon na hombar tu PatikMi,

                  Amen.

06. Marende BE No. 90 : 1 – 2, “Sai marlas ni roha hita”  BL. 175.

Ø  Sai tapuji Debatanta, ale hajolmaon i

Ai naung hehe do Tuhanta sian hamatean i

Dipasidung Jesus i UlaonNa sasude

Patupahon haluaon di saluhut hajolmaon.

                                                (Jongjong)

Ø  Anggo utang ni dosangku digarari Jesus i

Ido haporseaonku di na tinaonNa i

Nunga tulus patik i nunga mintop rimas i

Di na hehe i Ibana ro di au hangoluanNa

07. MANOPOTI DOSA

U   :  Tatopoti ma dosanta na godang i tu adopan ni Debata, martangiang ma hita! Ale Amanami jala Debatanami, na di banua ginjang, Pargogo na so hatudosan! Pardengganbasa do Ho, jala  ro di saleleng ni lelengna do asi ni rohaM. Sai marpamuati ma rohaM di hajahatonnami, jala sai unang be ingot angka dosanami.

H   : Jotjot do mardosa hami maradophon Ho, jala jotjot do husungguli hami rimasMu marhite sian pangalaosionnami.

U   :  Unang alang asi ni rohaM, sai urupi ma hami, Ho ale Tuhan Debata hatuannami, palua hami, jala sesa dosanami, alani AnakMu Tuhan Jesus Kristus Tuhannami. Amen.

                (Martangiang na hohom huhut manghuling Organ/ Song Leaders marende marhite soara na angonangon mangendehon BE No.683:3-4, “Diadopanmu Jesus”) 

U   :  Laos tabege ma bagabaga ni Debata taringot tu hasesaan ni dosanta! Parasiroha jala pardengganbasa do Jahowa, lambat tarrimas jala parasiroha godang. Ndang dibahen tu hita hombar tu angka dosanta, jala ndang dibaloshon tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana. Hasangapon ma di Debata na di ginjang !

R   :  Amen. (Hundul)

08. Marende BE No. 632 : 1 – 2, “Nunga hehe Kristus”  BL. 632

Ø  Nunga hehe Kristus marsihohot ma hamu.

Lam sumurung hita di ulaon ni Tuhanta

Lam sumurung hita di ulaon ni Tuhanta

Radot ma hita lao mangula tu Tuhanta

Radot ma hita lao mangula tu Tuhanta

Ø  Nunga hehe Kristus marlas roha ma hamu.

Lam benget ma hita di sude parungkilonta

Lam benget ma hita di sude parungkilonta

Jugul ma hita martangiang tu Tuhanta,

Jugul ma hita martangiang tu Tuhanta.

09. E p i s t e l

U :       Hata ni Debata turpuk Epistel di pesta Paskah I, sadari on, tarsurat  di Johannes 20:1-10. Dung i di ari parjolo dung salpu ari Sabbat, laho ma si Maria Magdalena sogot di na holom i dope tu tanoman i, jadi diida ma, naung dihindat batu i sian tanoman i.

H :                Gabe marlojong ma ibana manopot si Simon Petrus dohot sisean na sada nari, haholongan ni roha ni Jesus, paboahon tu nasida: Nunga dibuat na mambuat Tuhan i sian tanomanna; ndang binoto, manang tu dia ditaruhon.

U :                 Jadi borhat ma si Petrus dohot sisean na sada nari, jadi sahat ma nasida tu tanoman i.

H :                Na rap marlojong do na dua i, gabe marhajoloan do sisean na sada, na humatop sian si Petrus, gabe parjolo ma ibana sahat tu tanoman i.

U :                 Jadi dipaunduk ma dirina, diida ma peak angka pangalilit; alai ndang bongot ibana.

H :                Ro ma nang si Petrus sian pudina; dibongoti ma tanoman i jadi diida ma peak angka pangalilit i.

U :                 Anggo sekka panaputi ni uluna ndang rap dohot angka pangalilit i, pulik do dibalun tu ingananna.

H :                Disi pe asa bongot nang sisean na sada, naung parjolo sahat tu tanoman i; dipanotnoti, gabe porsea ma ibana.

U :                 Ai ndang dope diantusi nasida hata ni surat i na mandok: Ingkon hehe Ibana sian na mate.

H :                Asa muli ma sisean na dua i.

U :  Ido sahatna. Martua do angka na tumangihon Hata ni Debata jala na umpeopsa. Amen.

10. Marende BE No. 96 : 1 + 3, “Nunga talu hamatean” BL. 101.            

Ø  Nunga talu hamatean dibaen Tuhan Jesus i

Ai na hehe do Ibana songon na nidokNa i

Haleluya, haleluya nunga hehe Jesus i

Haleluya, haleluya nunga hehe Jesus I      (Jongjong)

Ø  Marlasroha be ma hita ala hehe Jesus i

Ai malua sude hita sian hamagoan i.

Haleluya, haleluya nunga hehe Jesus i

Haleluya, haleluya nunga hehe Jesus i

11. MANGHATINDANGHON HAPORSEAON:

U   :  Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok:

H  :  Ahu Porsea…..                            (Hundul)

12. T I N G T I N G   H U R I A

I. PARTURE NI ACARA                                                     (HP Agar di Non Aktifkan)

NO.	TATA IBADAH	MINGGU SIANG (BE) 10:00 WIB	PARTANGIANGAN (BE) 19:30 WIB
1.	Marende No.	T A T A   I B A D A H D I S E D I A K A N O L E H   G E R E J A	Marende BE. No. 22 : 1 – 2
2.	Votum – Introitus		A. X. B. 1 / D. VII. 26
3.	Marende No.		Turpukkl Epistel :  Ulaon Ap. 4 : 32 – 37
4.	Patik
5.	Marende No.
6.	Manopoti Dosa		Marende No. 91 : 1 – 2
7.	Marende No.		Jamita : Poda 17 : 17 – 20
8.	Epistel
9.	Marende No.
10.	Manghatindanghon Haporseaon		Marende No. 574 : 1 – 2
11.	Koor		Tangiang Sian Na Ro
12.	Tingting Huria		Marende No. 457 : 1
13.	Koor		Tangiang Sian Parjabu
14.	Marende No.		Marende No. 190 : 1 – Pelean
15.	Jamita		Tangiang Panutup
16.	Marende No.		Tangiang Ale Amanami
17.	Tangiang Panutup + Pasu – Pasu + Amen – Amen – Amen		Pasupasu

II. PARHOBAS PARMINGGUON & PARTANGIANGAN

ULAON	MINGGU SIANG	PARTANGIANGAN
Parjamita	CPdt. Rahman Tamba, S.Th	St. M. br. Rambe
Paragenda	St. A. Simanjuntak	St. M. Manurung
Tingting	St. M. Manurung	-
Papungu Pelean	Marpelean Tu Jolo	Marpelean Tu Jolo
Parorgan	-	CPdt. Rahman Tamba, S.Th
Harentaon	CSt. P. Nainggolan ; CSt. T. Pasaribu	CSt. R. br. Sitorus

III. JADWAL KEBAKTIAN LINGKUNGAN & LATIHAN KOOR 

PELAYANAN	ARI	PUKUL	INGANAN / ALAMAT
SERMON HURIA	Selasa	20 : 00 WIB	DITIADAKAN UNTUK SEMENTARA WAKTU
SERMON PARHALADO RESSORT	Jumat	14 : 30 WIB
PARTANGIANGAN	Rabu	19 : 30 WIB	GEREJA HKBP PETUARAN Namanjabui St. B. Silaen / br. Nababan
PHD INA + KOOR	Kamis	20 : 00 WIB	DITIADAKAN UNTUK SEMENTARA WAKTU
PHD AMA + KOOR	Jumat	20 : 00 WIB
PHD RN + KOOR	Sabtu	20 : 00 WIB

Barang siapa melayani Aku, ia harus mengikut Aku dan dimana Aku berada, disitu pun pelayanan-Ku akan berada. Barangsiapa melayani AKu, ia akan menerima Bapa (Yohanes 12:26). 

IV. DIAKONIA

Taboan be ma dibagasan tangiangta angka donganta na tongtong dibagasan parsahiton, asa lam tumibu malum sian parsahitonna.

No.	GOAR DAN MARGA	SEKTOR	KETERANGAN
1.
3.
4.
5.

Yesus berkata kepadanya: “Aku akan datang menyembuhkannya” (Matius 8:7).

V. ULANG TAON HATUTUBU DOHOT PARSARIPEON

Saluhut parhalado dohot ruas HKBP Petuaran pasahathon selamat ulangtahun ma tu amanami, inanami, naposobolung, remaja nang dakdanak, na marulang tahun (hatutubu dohot parsaripeon) dibagasan na saminggu on, ima mulai tgl. 04 April 2021 sahat tu tgl. 10 April 2021. 

NO.	GOAR – MARGA	TUBU	MARBAGAS	UMUR / TAHUN
1.	Op. Noel br. Simorangkir	04 – 04 – 1968	-	53 Tahun
2.	Op. Felecia br. Pardosi	04 – 04 – 1972	-	49 Tahun
3.	I. Harry br. Simbolon	06 – 04 – 1965	-	56 Tahun
4.	St. Alfian Simanjuntak	06 – 04 – 1989	-	32 Tahun
5.	Adi Simbolon	06 – 04 – 1989	-	32 Tahun
6.	Yossi Anastasya br. Hutagalung	10 – 04 – 2000	-	21 Tahun
7.	A. Chealsea Gea	10 – 04 – 1991	-	30 Tahun
* Sesuai Dengan Database Yang Diterima Oleh Majelis Gereja

Karena oleh Aku umurmu diperpanjang dan tahun-tahun hidupmu ditambah (Amsal 9:11).

VI. PELAYANAN DOA & INFORMASI GEREJA

-          CPdt. Rahman Tamba, S.Th   : 0813  7326  3959        - St. F. Manurung              : 0823  6489  8538

-          St. M. Manurung                       : 0813  1498  0711        - St. L. br. Siagian             : 0821  6737  3260

-          St. B. Manurung                        : 0813  7040  7063        - CSt. P. Nainggolan         : 0812  8679  4777

-          St. M. br. Rambe                       : 0812  8870  7346        - CSt. T. Pasaribu             : 0813  6107  6516

-          St. A. Simanjuntak                     : 0853  6231  1911        - CSt. R. br. Sitorus           : 0822  7459  8316

-          St. N. br. Pardosi                       : 0821  6660  3117

TINGTING NA MARRAGAM

1. GOAR NI MINGGU

Goar Ni Mingguta Sadarion Ima : Minggu Paskah, Jala Topik Minggunta Ima : Huaso Hahehehon Ni Jesus – Kuasa Kebangkitan Yesus.

2. TOROP RUAS NA MANDOHOTI PARMINGGUON DOHOT PARTANGIANGAN

	PARMINGGUON (Minggu, 28 Maret 2021)	PARTANGIANGAN PASSION (Rabu, 31 Maret 2021)
Ruas Ama	12	2
Ruas Ina	35	17
Ruas Remaja / Naposo	16	3
Sikkola Minggu (08:00)	12	-
Parhalado	11	11
TOTAL	74 HALAK	33 HALAK

3. PELEAN BULANAN HKBP PETUARAN (APRIL)

Pinabotohon Ma Tu Saluhut Ruas Ni Hurianta, Di Minggunta Sadarion Tapatupa Do Marpelean Bulanan (April) Ima Tu Haporluon Guguan Taon Ni Hurianta.

4. ULAON KATEGORIAL HURIA

Pinabotohon Ma Tu Saluhut Ruas Ni Hurianta, Marhite Rapot Parhalado Na Di Ari Minggu Tgl. 28 Maret 2021 Diputushon Ma Piga-Piga Point Taringot Tu Pardalanan Ni Kategorial Ni Hurianta :

-          Hombar Tu Boa-Boa Ni Pamarenta Taringot Tu Pardalanan Ni PPKM (Pembatasan Pemberlakuan Kegiatan Masyarakat – Bln. 4  s/d 5), Tongtong Dope Mansohot Ulaon Ni Kategorial Di Hurianta.

-          Taringot Tu Ulaon Partangiangan, Tongtong Dope Dipatupa Songon Na Somal Maringanan Di Huria, Masuk Pukul 19:30 Wib.

-          Taringot Tu Persembahan Pujian / KOOR Di Acara Parmingguon, Tongtong Dope Mansohot Di Acara Parmingguonta.

-          Tongtong Ma Taingot Manjaga Diri Dohot Patupahon Protokol Kesehatan 3M (Memakai Masker, Mencuci Tangan, Menjaga Jarak) Di Ganup Ulaon Huria.

TINGTING PARHEPENGON

No.	PENERIMAAN		HADIR	HURIA		PEMB	PUSAT / DISTRIK
				(Rupiah)
A. PELEAN IBADAH
1.	P. Minggu	28/03/2021	74	Rp. 237.000		Rp. 210.000	Rp. 95.000
2.	P. Sikola Minggu		13	Rp.16.000		-	Rp. 5.000
3.	Pelean Partangiangan Passion		29	Rp. 87.000		-	-
4.	Pelean Jumat Agung		-	Rp. 368.000		Rp. 355.000	Rp. 97.000
B. BALANJO ULUAN
1.	Kel. St. B. Sitorus / br. Lubis Taon 2021 (bln. 4 s/d 6) Godangna Rp. 120.000			Rp. 120.000		-	-
2.	Kel. St. M. Manurung / br. Pardosi Taon 2021 (bln. 1 s/d 6) Godangna Rp. 240.000			Rp. 240.000
C. GUGUAN TAON
1.	-			-		-	-
D. HAMULIATEON DLL;
1.	Hasil Eme Pesta Gotilon - (Februari)			Rp. 2.888.000	-			-
TOTAL   (Pelean Tingting Tgl. 04/ 04 / 2021)				Rp. 3.953.000		Rp. 565.000	Rp. 197.000

13. Marende BE No. 624 : 1 + 2  “Haleluya, Haleluya”   

Ø  Haleluya, Haleluya nunga hehe Tuhanta i

Haleluya, haleluya puji goarNa i.

Jesus sigomgom tano on.

Tuhan ni sandok portibi on.

Haleluya…..

Ø  Boan barita na uli tu saluhut na tinompa i.

Haleluya ……

14. JAMITA – Markus 16 : 9 – 18                   

15. Marende BE No. 633 : 1--- “Nunga hehe Kristusi”

   (Pelean tu Ulaon Kategorial Parompuan HKBP)

Ø  Nunga hehe Kristus i haleluya,

        Sian hamatean i haleluya

Parlangitan jouhon ma, haleluya,

Tano on alusi ma haleluya.

Ø  Singkop panghophopNa i, haleluya,

Gok hamonanganNa i, haleluya

Sondang haluaon i, haleluy,

Patiur dalanta i, haleluya.

           …..Musik….

Ø  Tartaban naroko i, haleluya,

Di baen Tuhan Jesus i, haleluya

Nunga mungkap surgo i, haleluya,

Di na tinobusNa i, Haleluya.

Ø  Monang do Tuhanta i, haleluya,

 Talu hamatean i, haleluya

Mago do soropna i, haleluya,

Ala monang Tuhan i, haleluya.    (Jongjong)

 16. PANGUJUNGI 

A.     Parsuruon

U :         Ia haheheon ni Jesus sian na mate, ido hataridaan paboa naung talu hamatean. Alani i sotung ganggu roham disi.

 H :         Sai dipahiras Debata ma rohanami jala dipaganda nang haporseaonnami paboa sasada Ibana do Tuhan na marhuaso di banua ginjang, di tano dohot di toru ni tano.

U :         Baritahon hamu ma haluaon i tu saluhut jolma dohot tu nasa na tinompa!

H :         Sai na lehonon ni Debata do di ahu hiras ni roha dohot habisuhon laho mamaritahon hamonanganNa i tu tongatonga ni portibi on olat ni na tarbahen ahu.

U :         Halak na porsea jala tardidi dapotan haluaon alai na so porsea hona uhum do.

B.     Tangiang  Pelean

U :         Tapasahat ma peleanta tu harajaon ni Debata, martangiang ma hita! Ale Debata, Amanami na di banua ginjang! Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni huriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. AMEN !!

H :         (Mangendehon) BE No. 204 : 2    “Ndang Tadingkononhu Ho”

Nasa na nilehonMi, tondi ro di pamatanghu.

Hosa dohot gogongki, ro di saluhut artanghu.

Hupasahat i tu Ho, na so unsatonhu do

C.      Tangiang Ari Pesta dung salpu jamita : Pesta Haheheon ni Tuhan Jesus

U :         Ale Tuhan Debata, Amanami jala Parasiroha!    Mauliate ma rohanami jala pujionnami Ho, ala naung ditubuhon Ho hami paduahalihon sian godang ni asi ni rohaM tu panghirimon na mangolu marhitehite haheheon ni Tuhan Jesus Kristus sian na mate. Nunga gabe Sipalua jala Sipangolu AnakMi di hami, jala Ibana Tuhannami, Ibana Uluannami, siihuthononnami. Na marlas ni roha do hami nuaeng marningot haheheonNa i. Nunga talu sibolis, talu hamatean, talu banua toru. Ndang mabiar be hami mida hamatean dohot soropna, ai nunga monang Tuhannami. Ulubalang na gogo i. Ibana do manogihon hami sian hamatean tu haheheon sogot. Alani i umbahen hupangido hami: Sai asi ma rohaM, patogu ma haporseaonnami maniop Barita na Uli i, asa unang ganggu rohanami di na hubolus hami hamatean i.

Sai sungguli ma rohanami dohot roha ni dongannami, asa rap hehe hami sian parrohaon na buruk i; asa tarulahon hami parange na imbaru. Sai pasupasu ma huriaM dohot Parbarita na Uli, na mamaritahon haheheon ni Tuhannami, asa lam tarsunggul angka na pedem roha jala hehe sian dosana be. Sai papos ma rohanami manghaporseai, naung mardame jala mardomu hami tu Ho ala ni pardengganan na pinatupa ni AnakMu. Sai pasabam jala pamalum ma rohanami.  Tompa ma roha na ias dohot tondi na marsihohot di bagasan hami, asa tarhajongjonghon hami, naung pintor hami ala ni hatigoran na pinatupa ni Tuhan Jesus Kristus. Sai sungguli ma panghirimon na mangolu di hami, asa tarapul rohanami marningot angka dongannami naung jumolo nialapMi, jala asa tarapul rohanami manaon sitaonon di hasiangan on. Sai apuli ma angka na matean, na dangol, na pogos, na so marina, angka na mabalu dohot angka na malungun tu banua ginjang marhitehite haheheon ni Tuhan Jesus Kristus, Tuhannami. Amen.

D.     Tangiang Ale Amanami

U :         Ale Amanami na di banua ginajang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

H :         (Mangendehon):

Ai Ho do nampuna harajaon, dohot hagogoon.

Ro di hasangapon, saleleng ni lelengna, Amen

E.      Pasupasu.