(103). TINGTING MINGGU TGL. 21 MARET 2021

 

PARTORDING NI PARMINGGUON

DI MINGGU JUDIKA

&

PESTA PEMBANGUNAN

HKBP PETUARAN

Luluhon Ahu Ale Jahowa

(Psalmen 43:1a)

                       Ev. Heber 5 : 5 - 10                                    Ep. Jeremia 31 : 31 – 34                              

TOPIK:

KRISTUS SIHORHON HALUAON

( Kristus Pokok Keselamatan )  

HURIA KRISTEN BATAK PROTESTAN

HKBP PETUARAN

 

Minggu, 21 Maret 2021

 

* Tetaplah Menerapkan Ibadah Protokol Kesehatan 3 M (Memakai Masker, Mencuci Tangan, Menjaga Jarak) *

I. PARTURE NI ACARA PELETAKAN BATU PERTAMA

(Sude ma ruas niuluhon ni amanta Praeses marhaliang di inganan na tinontuhon laho patupahon “Peletakan batu Pertama”. Angka utusan sian Parhalado, ruas, undangan, dohot kategorial, jojor ma nasida hombar tu na tinontuhon)

01. PAMUHAI     (P : Paragenda ;      R : Ruas)

   P : Hamu saluhut ruas ni huria HKBP Petuaran Ressort Perbaungan na ni haholongan di bagasan Kristus Jesus, andorang so tapatupa  mameakkon batu ojahan pembangunan bagas on, saluhutna ma hita mangido asi ni roha ni Tuhan i, asa Ibana na patauhon, dohot na mamasumasu hita saluhut ruas ni huria, laho patulushon ulaon pembangunan ni huria on.

   R : Ale Tuhan jongjong do hami nuaeng di inganan on, marsada ni roha mangido: Asi ma rohaM di hami, jala pasu-pasu ma hami asa tau hami paulihon bagasMu di inganan on.

   P : O Debata, parasiroha na sumurung! Tagihon ma pangidoan ruas ni huriaMi, jala tatap ma sada ni roha ni ruasMi, laho pajongjong bagas inganan on. Borhat ma hami saluhut ruas ni huria on dibagasan panghirimon, haporseaon, dohot holong ni roha manghobasi pembangunan on marhite na mameakkon batu ojahan pembangunan sadarion. Lomo ma rohaM disada ni roha ni ruas ni huriaMon.

   R : Ale Tuhan jongjong do hami nuaeng di inganan on, marsada ni roha mangido: Asi ma rohaM di hami, jala pasu-pasu ma hami asa tau hami paulihon bagasMu di inganan on.

   P : Antong tapuji ma Tuhanta, Ai pardenggabasa do Jahowa, jala rodi salelengni lelengna do asi ni rohaNa.

    R :  (Mangendehon BE No. 121 : 1 + 5 “ Jesus Raja ni Huria ”

1.       Jesus, Raja ni huria na porsea, na badia Pasupasu ma au on
Sai sungguli ma rohangku Mangihuthon Ho, Rajangku
Pargogoi ma au tongtong Pargogoi ma au tongtong

 

5.       Sai pauli huriaMu Asa lomo ni rohaMu Jumpang Ho di ruasMi
Angka na serep marroha Na magigi mida dosa
Ho ditiru sasude Ho ditiru sasude              

02. VOTUM – introitus – tangiang      (P : Paragenda ;      R : Ruas)

   P : Marhitehite Goar ni Debata Ama, anakNa Tuhan Jesus Kristus, dohot Tondi Parbadia na tumompa langit dohot tano on. Amen. O Debata Jahowa Amanami, Ho do partanobaton dohot mual ni saluhut hagogoon. Lomo ma rohaM di hami, jala pasu-pasu ma inganan on, asa batu na hupeakkon hami bahen ojahan pembangunan bagas on di inganan on, togu jala hot, songon batu mamak hajongjongan ni bagasMu. Paias ma inganan on sian angka tondi hajahaton, panggunturi, parsalisian, late ni roha, dohot pangiburuon. Suanhon ma diinganan on hadameon, holong ni roha, dohot parbueni Tondi, asa sian na mamulai sahat tu na mangujungi pembangunan bagas on di inganan marolopolop jala marlas ni roha ruas ni huriaMi. Pasu-pasu ma nang angka pande (tukang), na mamandei bagas joro on, lehononMu hahipason, gogo, rukun dohot kerjasama, asa saluhut ulaon nasida denggan jala uli dibagasan dame.

   R : Ale Tuhan, tangihon ma tangiang pangidoannami on.

   P : Debata Jahowa Amanami, na sun marhabadiaon, ditanganMu do haluaon dohot hangoluan ni huria on. Ho do Parmahan na denggan roha na patongon hami tu jampalan angka na lomak, jala na manogunogu hami tu aek hasonangan. Holan tu Ho do hami marhaporusan jala manghirim. Usehon ma pasu-pasuM tu saluhut ruas ni huriaMi, naung pasahathon silehonlehonna tu ulaon pembangunan bagas  on. Parbue ni haporseaon ma i, asa dibagasan haserepon saluhut ruasMu marsiadu mangulahon angka na denggan.

   R : Ale Tuhan, tangihon ma tangiang pangidoannami on.

   P : Ho do Raja ni huria jala nampuna Huria i, ala ni molo humulai hami nuaeng mameakkon batu ojahan Pembagunan bagas on, holan Ho do na hupangasahon hami. Ndang tuk gogo dohot na adong di hami pajongjonghon bagas on, alai mangasahon haporseaon dibagasan Kristus, patauonMu do hami saluhut ruas ni huria HKBP Petuaran laho patulushon i.

   R : Ale Tuhan, tangihon ma tangiang pangidoannami on. Asi ma rohaM di hami

   P : Anggiat ma bangunan bagas on pinajongjong di atas ni batu ojahan na pineakhon sadarion, hot dihansinghansing na, togu dirancang-rancangna. Ia ro pe udan potir, mangalantap pe tangkuju, jala pur pe habahaba manondong bagas on, ndang na marumpak, ai batu mamak do ojahanNa. Amen.

03. MARENDE BE NO. 655 : 1 + 4  “ Ojahan ni Huria ”

1.       Ojahan ni Huria sasada Jesus i, marhite pandidion rap dohot hata i
Huria ni riritNa baen oroanNa i,pinarbadianNa marhite Mudar i

4.       Tongtong marsada roha, nang pe di tano on, Huria na badia, pinasupasuMon
Ulaon na badia, patogu roha on, Tuhan sitolu sada pamonang hami on.

04. PROSESI PELETAKAN BATU PERTAMA

-          Praeses                                  -     Utusan Sian Sahalak Parhalado

-          Pendeta Ressort                   -     Ketua Panitia Pembangunan

-          Uluan Huria                          -     Utusan Sian Sahalak Ruas

05 . MARENDE BE. NO. 149 : 1 – 2   “Ho Tongtong Ihuthononku”

1.       Ho tongtong  ihuthononku Jesus Sipangolu au.

Tung na so  tadingkononku Ho, na paluahon au.

 Sian sasude dosangku Dohot sian uhum i.

Na tongtong  habiaranku Ala pardosaonki.        

2.       Tung di dia jumpang ahu Tuhan sada songon Ho

Na manogunogu ahu Tu na sonang songon Ho ?

Naung ditaon Ho hamatean Lao humophop tondingki

Asa masuk au manean Tohap na sumurng i.

06. TANGIANG PANUTUP + ALE AMANAMI + PASUPASU

II. PARTURE NI ACARA PARMINGGUON

01. ACARA PAMUHAI     ( P1 : Paragenda 1     P2 : Paragenda 2    R : Ruas   S : Sude )

      P1: Huria ni Debata na hinaholongan ni Tuhanta Jesus Kristus, hami saluhut Parhalado, pasahathon tabe ma tu sude hamu ruas ni huria: Asi ni roha ma di hamu, jala dame na sian Tuhanta, ima na mangaramoti hita saluhutna.

                Dibagasan sadari on tung tama do hita mandok mauliate tu Debata, di saluhut pandonganion dohot pangaramotion ni Debata di pardalanan ni ngolunta. Sadarion patupaonta ma Pesta Pembangunan HKBP Petuaran on.  Dipasupasu Tuhanta do huriaNa, Saluhutna i tung asi ni roha ni Debata do i tu hita. Ala ni tapuji ma Tuhanta jala tasomba ma Ibana, taendehon ma “Somba ma Jahowa”

 R :   (Mangendehon) BE. No. 585 : 1   “ Somba ma Jahowa ”

1.    Somba ma Jahowa Debatanta, Amen haleluya!
Sigomgom langit, tano on, ro di isina, Amen haleluya.
Beta hita lao marsinggang tu joloNa, Amen haleluya!
Na songkal jala na badia do Jahowa, Amen haleluya.
Reff. Endehon amen haleluya, Endehon Amen haleluya

          Endehon amen haleluya, Endehon Amen haleluya   2x

       P2   :               Didok hata ni Debata: Puji hamu ma Ibana mardongan soara ni sarune, puji hamu ma Ibana mardongan arbab dohot sordam. Puji hamu ma Jahowa mardongan tali sayak dohot panontoron na marliat, puji hamu ma Ibana mardongan hasapi dohot tulila. Puji hamu ma Ibana mardongan ogung panggora, puji hamu ma Ibana mardongan ogung panonggahi (Psalm 150:3-5)! Antong tapuji ma Tuhanta marhite ende “Somba ma Jahowa”, laos jongjong ma hita!

  R : (Mangendehon) BE. No. 585: 2 “Somba ma Jahowa”

2.    Puji ma Jahowa Debatanta, Amen haleluya!

Parasiroha na sumurung do Ibana, Amen haleluya.
Taendehon ma goar ni Debatanta, Amen haleluya!
Ala ni denggan ni basaNa na tu hita, Amen haleluya.
Endehon amen haleluya, endehon Amen haleluya
Endehon amen haleluya, endehon Amen haleluya   2x

       P1: Marlas ni roha, marriaria jala marolopolop manghalashon denggan basa ni Jahowa do hita di Pestanta sadarion. Ibana do mual ni pasupasu dohot hangoluanta. Nuaeng pe pataridahononta ma parsombaonta, panindangionta, dohot las ni rohanta di pasupasu ni Jahowa naung tajalo, marhitehite budaya ha-Batakonta. Antong amang pangual pargonsi nami ….

-    Alualuhon ma jolo tu Debata Ama, na manompa langit dohot tano on, dohot nasa isina, ima TUHAN JAHOWA, Ama na hutanda hami di bagasan goar ni AnakNa Jesus Kristus.  ……(manghuling taganing)…..

 

-    Alualuhon ma tu Tuhan Jesus Kristus, Anak ni Debata na sasada i, na paluahon hami sian dosa dohot hamatean marhite mudarNa na badia i.
…..(manghuling taganing)…..

-    Alualuhon ma tu Tondi Porbadia na ruar sian Ama i dohot sian AnakNa Tuhan Jesus Kristus, na pajongjong huria na badia i.
…… (manghuling taganing)……

       P2   : On pe Amang panggual pargonsi, na marmula do nasa na adong, jala Debata do haroroan ni saluhutna! Nuaeng bahen damang ma jolo gondang mula-mula laos padomu ma dohot gondang somba-somba i, asa di pesta Pembangunan HKBP Petuaran on, jolo marsomba hami tu jolo ni Tuhan, Debata Jahowa na sasada i, na tumompa langit dohot tano on, dohot tu AnakNa Tuhan Jesus Kristus naung mate humophop hita jala mulak mangolu, dohot tu Tondi Porbadia na mangalehon hasesaan ni dosa, las ni roha dohot ngolu na imbaru na so ra suda i”.

          [—- manortor ruas di ingananna be, tortor sombasomba —-]

       P1   : Nunga Husomba hami be Tuhan Jahowa marhite tangan, simanjujung, dohot roha. Nuaeng pe amang panggual pargonsi, naeng liathononnami ma Kristus silehon pasupasu, songon panindangionnami tu portibi on, alani: bahen damang ma gondang liatliat i, asa mangaliat hami manghalashon jala manghamauliatehon pasu-pasu ni Debata naung sahat tu hami be, asa mangaliat hami mangolophon hangoluan naung pinatupa ni Tuhan Jesus i, asa mangaliat hami di pesta Pembangunan Huria Petuaran on, asa mangaliat hami mamaritahon Barita na Uli jala patupahon ulaon asi ni roha i, asa sahat hahorasan, sahat las ni roha, sahat hadameon, sahat hasonangan tu bangsonami.

[—- manortor ruas di ingananna be tortor liat-liat….]

       P2   : Pinuji ma Tuhan i na mangalehon pasupasuNa marhitehite Kristus si lehon pasupasu. Di Ibana hasangapon, hamuliaon, dohot hahormaton ro di saleleng ni lelengna. Antong “Amang panggual pargonsi, bahen damang ma gondang sitiotio i, asa tongtong tio ulaonnami jala tiur ngolunami, tangkas parrohaonnami jala torang pingkirannami, pita haporseaonnami jala polin holongnami di pesta sadari on,  laos padomu ma dohot gondang hasahatan siala nunga sahat pasupasu na pinatupa ni Kristus i, sahat ditongoshon Tuhan i denggan basaNa, jala sahat hami tu hahorason, hadameon dohot hangoluan na imbaru……”

                [—- manortor ruas di ingananna be, tortor sitiotio dohot hasahatan….]

         S :  Horas....horas....horas.  (hundul ma ruas)

       P1 : Tu hita saluhut na ruas ni hurianta, nunga tapataridahon be las ni rohanta di Pestanta sadari on, jala nunga tapatuduhon parsombaonta tu Jesus Kristus si lehon pasu-pasu tu ngolunta. Ibana do Raja na mamasumasu boni ni angka na taula, jala laos Ibana do silehon hangoluan di hita. Antong tapuji ma Tuhanta:

 

02. MARENDE  BE. N0. 15  : 1 + 4   “ Aut na saribu hali ganda ”

1.         Aut na saribu hali ganda saringar ni soarangki

         Naeng nasa gogo bahenonku mamuji Debatantai

         Paboa  las ni rohangki hinorhon ni pambaenna i (Jongjong)

4.         Mauliate ma rohangku di Ho o Debata tongtong

         dibaen sude denggan basamu naung nilehonmu di au on

         ai dipatongon ho tongtong sude na ringkot di au on

03. VOTUM – introitus – tangiang (P1: Paragenda 1;  P2: Paragenda 2;  H: Huria)

    P1 : Marhitehite goar ni Debata Ama dohot goar ni AnakNa Tuhan Yesus Kristus dohot Goar ni Tondi Parbadia na tumompa langit dohot Tano on.

    H :   Amen!

 

    P2 :                                                                                                                                                                        Olophon ma Jahowa, ale sandok tano on! Oloi hamu ma Jahowa marhitehite las ni roha, ro be ma hamu tu joloNa marhitehite olop-olop.

 

    H :   Boto hamu ma on: Jahowa do Debata; Ibana jumadihon hita, jala Ibana nampuna hita, bahen bangsona dohot biru-biru pinarmahanNa.

    P1 : Bongoti hamu ma angka bahalNa marhitehite hamauliateon, angka alamanNa

             marhitehite pujipujian, mauliate ma roha muna tu Ibana, puji ma goarNa, Haleluya.

    H :   (mangendehon Haleluya-Haleluya-Haleluya)

P2 : Martangiang ma hita. Ale Debata Amanami, mandok mauliate do hami tu Ho, di sude denggan ni basaM. Tung so tarasam do angka pambahenanMu, na mandongani dohot na mamasu-masu sude hami ruasMon. Sadarion dilehon Ho do las ni roha tu huriaM, na boi patupahon PESTA PEMBANGUNAN ni huriaM HKBP Petuaran on. Tu Ho do hami pasahathon parsombaon nami, ala sian tingki tu tingki, lam mangerbang huriaMon dohot panghobasionNa. Dilehon Ho do sada ni roha di sude ruasMu jala didongani Ho do nang angka parhalado laho marhalado i huriaM.

 

 P1 : Sai urupi jala pargogoi ma hami mamuji dohot mangoloi Ho dipardalanan ni ngolunami, jala patau ma hami pasangaphon Ho dibagasan haporseaon na sintong. Ai Ho do Tuhan na mangolu dohot na manggomgomi hami di bagasan Tondi Parbadia. Asa tarjalo hami pasupasuM na sumurung i, paima sahat hami tu lambungMu di banua ginjang i.

 

   S :  Amen.  

04. MARENDE BE.  NO. 118  : 1 – 2   “ PAIAN MA DI HAMI ”  

1.   Paian ma di hami  O Jesus asiMi

Asa tung unang hami Diansi musu i.

 

2.   Paian Tuhannami HataM di hami be

Asa martua hami Nuaeng nang sogot pe.

05. PATIK      (P1: Paragenda 1;  P2: Paragenda 2;  H: Huria)

    P1 :  Didok hata ni umpama: Tinallik bulung sihupi, pinarsaong bulung siala; sotung

sumulsol di pudi, ndada sipaingot na soada. Antong tangihon hamu ma Patik ni   Debata di Minggunta sadari on, patik I – IV : Patik Patik Parjolo : “Ahu do Jahowa Debatam!” ninna Debatanta. Ndang jadi marangkup Ahu bahenonmu Debatam.

 

P2 : Patik Paduahon: Ndang jadi ganaonmu jala ndang jadi sumanonmu manang aha na

         di banuaginjang dohot na di banuatonga on ro di na dibagasan aek na di toru ni    tano, ianggo tung gabe sisombaon manang sioloan.

 

 H :   Patik Patoluhon: Ndang jadi dohonon goar ni Debata, ianggo so ture dalanna, ai

              hona uhumna do sogot angka na marsineang di goarna.

P1:   Patik Paopathon: Ingot hamu ma pabadiahon ari minggu i! di na onom ari ma ula

hamu nasa siulaonmu, alai anggo ari papituhon i, ari paradianan ni Jahowa, Debatam do i. ndang jadi ho mangula anggo na sadari i, manang anakmu pe manang borum, manang naposom lahilahi, manang naposom boruboru, ro di pinahanmu ro di pangisi ni huta ni halak pe na mangangebati hutam. Ai di na onom ari do ditompa Debata langit dohot tano dohot laut dohot nasa isinya; dung i maradian do ibana di ari papituhon i. Dibahen i do umbahen na dipasupasu Debata Jahowa ari paradiananNa i jala diparbadiai.

 

P2 :  Nuaeng pe songon na nidok di hata ni umpasa ma dohonon: Aek marjullakjullak,

          marjullakjullak sian batu; patik na uli, na marulakulak, ampu hamu ma dibagasan

          ateate dohot tondimuna

 

 H :   Turtu ma ninna anduhur, tioma ninna lote: Patik nauli hata ni Debata, huampu hami

          ma dibagasan ateate dohot tondinami: Ale Tuhan pargogoi ma hami mangulahon na

          hombar tu PatikMi. Amen.

06. MARENDE BE. NO.  186 : 1 – 2    “ Tongtong tutu na denggan do “

1. Jahowa do haposanki Na mangapoi rohangku

    Na patiurhon dalanki Bulus dibaen langkangku

    Sonang tongtong Rohangkinon Binaen ni Debatangku PatikNa do lomongku

                                       ~~~ Jongjong ~~~

2. Na tau haposan situtu Do Ho, o Debatangku

    Ai Ho do na tongtong burju Mambaen hangoluanku

    Na gogo Ho Sai tulus do Sinangkap ni rohaMu  Pasaut na pinungkaMu

07. MANOPOTI DOSA       (P1: Paragenda 1;  P2: Paragenda 2;  H: Huria)

   P1 : Didok angka natuatua: Rupa do dang boi muba, alai pangalaho boi do tarpauba. Habang binsakbinsak, sirubaruba dohot ambaroba – Sai unang jolo hona insak hita, asa pinauba roha. Ringkot do na mananda diri. Alani dibagasan unduk dohot serep ni rohanta, martangiang ma hita di bagasan rohanta be.

             (… tingki na hohom… diiringi musik BE. No. 683: 1)

 

   P2 : Huria ni Debata na hinaholongan ni Kristus. Dibagasan unduk dohot serep ni roha, ro ma hita tu adopan ni Debata. Tatopoti ma dosanta tu Amanta Debata, jala tapangido ma hasesaan ni dosanta, dibagasan goar ni Tuhan Jesus Kristus Parasi roha i.  Ale Debata amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosanami na godang i. Tung mansai jotjot do hami manirpang sian dalanMu, ndang mangulahon lomo ni rohaM. Unang ma pabali hami sian adopanMu ale Jahowa, ala ni dosa dohot hajahatonnami. Alai marpamuati ma rohaM di hami. Nuaeng ro hami tu joloM mangido asi ni rohaM: Sai sesa ma sude dosanami jala unang paingotingot sude dosanami na godang i.

 

   H    :  Ale Tuhan….., asi ma roham sai sesa ma dosanami…!

   P1 :  Huria ni Debata naung manopoti dosa, nuaeng tabege ma hata bagabaga ni Debata, taringot tu hasesaan ni dosa: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho. Hasangapon ma di Debata na di Ginjang.

 

    H   :  Amen!

08. MARENDE BE. NO. 435 : 1    “ Marolopolop Tondiki “

1.       Marolopolp tondingki, ai naung ditobus Jesus i. Hamu sude bege ma i,

sai las rohangku mandok i. Sonang ni tingki i, dung jumpang Jesus Tuhanki

Reff. TondiNa mangajari au, tarbaen marlas ni roha au

                           Sonang ni tingki i, dung jumpang Jesus Tuhanki

09. E P I S T E L     (P1: Paragenda 1;  P2: Paragenda 2;  H: Huria)

  P2  :  Turpuk Epistel di Minggunta sadarion, ima na tarsurat di Jeremia 31: 31 - 34, tajaha ma marsingkat sorin: Ida ma, na ro do angka ari sogot, ninna Jahowa, pungkaonku ma padan na imbaru tu pinompar ni si Israel dohot tu pinompar ni si Juda.

 

   H    :  Ndada songon padan na hubahen i na jolo tu ompunasida, uju na hutangkup tangannasida i laho manogihon nasida ruar sian tano Misir, hape diose nasida do padan na hubahen i, atik pe ahu harajaannasida nian, ninna Jahowa.

 

   P1 : Ai on do padan sibahenonku tu pinompar ni si Israel, dung salpu angka ari on, ninna Jahowa: Lehononku ma patikku tu bagasan ateatenasida jala surathononku do i tu bagasan rohanasida, asa ahu gabe Debatanasida, jala nasida gabe bangsongku.

 

    H   :  Jadi ndang pe podaan ni sahalak donganna, manang dohononna tu hahaanggina i songon on: Tanda hamu ma Jahowa! Ai tung saluhut nasida tumanda ahu sogot, tole na metmet, tole na magodang sian nasida, ninna Jahowa, ai marpamuati do sogot rohangku mida hajahatonnasida i, jala ndang be ingotonku dosanasida i.

 

   P2 :  Ido sahatna. Martua ma na tumangihon hata ni Debata jala na umpeopsa.

 

    S   :  Amen!

10. MARENDE BE. N0. 690 : 1 – 2   “ Hibul Rohangku ”

1.       Hibul rohangku tu Tuhan Jesus, Sude ngolungku di Tuhan Jesus
Ihuthononku do Tuhan Jesus, Ndang olo au sumurut be.         …. Jongjong ….

2.       Sai hutundalhon haportibion, Silang ni Kristus ma hudapothon
Sai hutundalhon haportibion, Ndang olo au sumurut be

11. MANGHATINDANGHON HAPORSEAON       (P1: Paragenda 1; H: Huria)

   P1 :  Hamu angka dongan ! Rap dohot angka donganta sahaporseaon di sandok portibion, tahatindangkon ma hata haporseaonta i, rap ma hita mandok:

   H    :  Ahu porsea … dst.              … Hundul …

12. TINGTING HURIA HKBP PETUARAN

I. PARTURE NI ACARA MINGGU DOHOT PARTANGIANGAN

NO.	TATA IBADAH	MINGGU SIANG (BE) 10:00 WIB	PARTANGIANGAN (BE) 19:30 WIB
1.	Marende No.	TATA IBADAH DISEDIAKAN OLEH GEREJA	Marende BE. No. 14 : 1 – 2
2.	Votum – Introitus		A. VI. B. 6 / D. V. 17
3.	Marende No.		Turpukkl Epistel :  Psalmen 31 : 8 – 16
4.	Patik
5.	Marende No.
6.	Manopoti Dosa		Marende No. 450 : 1 + 4
7.	Marende No.		Jamita : Lukas 19 : 28 – 35
8.	Epistel
9.	Marende No.
10.	Manghatindanghon Haporseaon		Marende No. 698 : 1
11.	Koor		Tangiang Sian Na Ro
12.	Tingting Huria		Marende No. 504 : 1 + 3
13.	Koor		Tangiang Sian Parjabu
14.	Marende No.		Marende No. 437 : 1 – Pelean
15.	Jamita		Tangiang Panutup
16.	Marende No.		Tangiang Ale Amanami
17.	Tangiang Panutup + Pasu – Pasu + Amen – Amen – Amen		Pasupasu

II. PARHOBAS PARMINGGUON & PARTANGIANGAN

 

ULAON	MINGGU SIANG	PARTANGIANGAN
Parjamita	Pdt. Horas Y.M. Purba, M.Th	CPdt. Rahman Tamba, S.Th
Paragenda I	Pdt. Obet Simanungkalit, S.Th	St. M. Manurung
Paragenda II	Pdt. Boyentri Bahagia Sitohang, S.Th
Tingting	St. M. Manurung	-
Papungu Pelean	CSt. T. Pasaribu, CSt. P. Nainggolan
Harentaon	Remaja Naposo HKBP Petuaran

III. JADWAL KEBAKTIAN LINGKUNGAN & LATIHAN KOOR 

PELAYANAN	ARI	PUKUL	INGANAN / ALAMAT
SERMON HURIA	Selasa	20 : 00 WIB	DITIADAKAN UNTUK SEMENTARA WAKTU
SERMON PARHALADO RESSORT	Jumat	14 : 30 WIB
PARTANGIANGAN	Rabu	19 : 30 WIB	GEREJA HKBP PETUARAN
PHD INA + KOOR	Kamis	20 : 00 WIB	DITIADAKAN UNTUK SEMENTARA WAKTU
PHD AMA + KOOR	Jumat	20 : 00 WIB
PHD RN + KOOR	Sabtu	20 : 00 WIB

Barang siapa melayani Aku, ia harus mengikut Aku dan dimana Aku berada, disitu pun pelayanan-Ku akan berada. Barangsiapa melayani AKu, ia akan menerima Bapa (Yohanes 12:26).

IV. DIAKONIA

Taboan be ma dibagasan tangiangta angka donganta na tongtong dibagasan parsahiton, asa lam tumibu malum sian parsahitonna. 

NO.	GOAR DAN MARGA	SEKTOR	KETERANGAN
1.	Op. Angel br. Pardosi	Dusun II	Pemulihan – Rumah
3.	Op. Mei br. Sihite	Dusun I	Pemulihan – Rumah
4.	Op. Vicky br. Lubis	Dusun I	Pemulihan – Rumah
5.	Op. Juntra br. Sagala	Dusun III	Pemulihan – Melati
6.	St. B. Sitorus	Dusun I	Pemulihan – Rumah
7.	Op. Silvia br. Sitorus	Dusun V	Pemulihan – Rumah
8.	Inang Jonsen br. Panjaitan	Dusun IV	Perawatan – Rumah

Yesus berkata kepadanya: “Aku akan datang menyembuhkannya” (Matius 8:7).

V. ULANG TAON HATUTUBU DOHOT PARSARIPEON

Saluhut parhalado dohot ruas HKBP Petuaran pasahathon selamat ulangtahun ma tu amanami, inanami, naposobolung, remaja nang dakdanak, na marulang tahun (hatutubu dohot parsaripeon) dibagasan na saminggu on, ima mulai tgl. 21 Maret 2021 sahat tu tgl. 27 Maret 2021. 

NO.	GOAR – MARGA	TUBU	MARBAGAS	UMUR / TAHUN
1.	Samuel Gogo Manurung	22 – 03 – 2001	-	20 Tahun
2.	Andre Garesson Manurung	24 – 03 – 1998	-	23 Tahun
* Sesuai Dengan Database Yang Diterima Oleh Majelis Gereja

Karena oleh Aku umurmu diperpanjang dan tahun-tahun hidupmu ditambah (Amsal 9:11).

 

TINGTING NA MARRAGAM

1. GOAR NI MINGGU

Goar Ni Mingguta Sadarion Ima : Minggu Judika, Jala Topik Minggunta Ima : Kristus Sihorhon Haluaon – Kristus Pokok Keselamatan.

2. TOROP RUAS NA MANDOHOTI PARMINGGUON DOHOT PARTANGIANGAN

	PARMINGGUON (Minggu, 14 Maret 2021)	PARTANGIANGAN (Rabu, 17 Februari 2021)
Ruas Ama	14	1
Ruas Ina	35	17
Ruas Remaja / Naposo	16	2
Sikkola Minggu (08:00)	-	2
Parhalado	10	9
TOTAL	75 HALAK	31 HALAK

3. MARPELEAN TU JOLO (HAPORLUAON TU DISTRIK)

Pinabotohon Ma Tu Saluhut Ruas Ni Hurianta, Di Minggu Na Naeng Ro Tgl. 28 Maret 2021, Tapatupa Do Marpelean Tu Jolo Ima Tu Haporluon Distrik XXIX Deli Serdang.

TINGTING PARHEPENGON

No.	PENERIMAAN		HADIR	HURIA	PEMB	PUSAT
				(Rupiah)
A. PELEAN IBADAH
1.	P. Minggu	14/03/2021	75	Rp. 255.000	Rp. 259.000	Rp. 96.000
2.	P. Sikola Minggu		-	-	-	-
3.	Pelean Partangiangan		31	Rp. 206.000	-	-
4.	Pelean Partangiangan Boni		150	Rp. 200.000	-	-
B. BALANJO ULUAN
1.	-			-	-	-
C. GUGUAN TAON
1.	-			-	-	-
D. HAMULIATEON DLL;
1.	-			-	-	-
TOTAL (Pelean Tingting Tgl. 21 / 03 / 2021)				Rp. 661.000	Rp. 259.000	Rp. 96.000

13. MARENDE BE. NO. 754 : 1 – 2    “ Gok Las Ni Roha Do Au ”

1.       Gok las ni roha do au di ngolungkon. Di ngolungkon dingolungkon

gok las ni roha do au dingolungkon tongtong di rohangkon.

        Reff: Mauliate gok las niroha, maringan holongMi Tuhan di au    2x

2.       Mardame jala sonang do ngolungkon, dirohangkon, Dirohangkon.

Mardame jala sonang do ngolungkon. Tongtong dirohangkon.

       Reff: Mauliate gok las niroha, maringan holongMi Tuhan di au    2x

14. JAMITA : Heber 5 : 5 – 10 Pdt. Horas Y.M. Purba, M.Th (Praeses HKBP Distrik XXIX DS)

15. MARENDE BE. NO. 848 : 1 - ...   “ Dison Adong Huboan Tuhan ”   (Pel. 1a, 1b, 2a)

1.       Dison adong huboan Tuhan, parbue ni ngolungku na so tardok nian

Sadia ma argana Tuhan, Molo sai ni rajuman sude denggan basaM?

Jalo ma Tuhan, Sai las ma rohaM    …musik  …

2.       Tanganku na metmet da, Tuhan, Na so hea mansari dope au on Tuhan;

Rohangku ma hulehon, Tuhan Na boi pelehononku gabe las ni rohaM,

Jalo ma Tuhan, Sai las ma rohaM    …musik  …

3.       Huingot do hataM da Tuhan, ingkon sarihononhon anggim na metmetan

Ampehon ma tanganMu sangkan, itak na otik I unang suda nian

Jalo ma Tuhan, sai las ma rohaM  …musik …

16. TANGIANG PELEAN – ALE AMANAMI – PASUPASU – AMEN AMEN AMEN

III. ACARA PESTA PEMBANGUNAN HKBP PETUARAN

01.    Kata Sambutan Ketua Panitia Pesta Pembangunan

02.    Sesi Pesta Pembangunan

RUNDOWN / TERTIB ACARA

PESTA PEMBANGUNAN HKBP PETUARAN

                                                 09.00 – 09.30       : Peletakan Batu Pertama

                                                09.30 – 11.30       : Ibadah Parmingguon

                                                11.30 – 12.00       : Tortor Pamuhai

                                                12,00 – 13.00       : Makan Siang

                                                                                : Lelang Makanan

                                                13.00 – 14.00       : Pasahathon Ulos

                                                14.00 – 16.00       : Tortor

                                                16.00 – Selesai     : Penutup