PARTORDING
PARTANGIANGAN KELUARGA/SEKTOR (KHUSUS)MENYIKAPI
SITUASI “PHYSICAL DISTANCING”
MEMBERANTAS PENYEBARAN CORONAVIRUS DISEASES – 19 (COVID – 19)
HKBP PETUARAN RESSORT PERBAUNGAN
RABU, 10 JUNI
2020 PUKUL 19:30
WIB
P A
N G A R A D E O N
ü Paradehon Buku Ende, Bibel, tarlumobi roha di bagasan haporseaon di Tuhan
Jesus Kristus
1. Aha ma endehonongku, asa pujionku Ho, ale
Tuhan Debatangku,
sai
urupi au gogo. Ai ndang tarpajojor ahu,
asi ni rohaM di ahu.
Ala ni hupuji Ho, tung marribu hali do.
2. Sai sungguli ma rohangku, mangendehon
gogoMi, dohot asi ni rohaMu,
ro
di habasaronMi. Ai i do dihatindangkon tondi dohot pamatangku.
Ala ni hupuji Ho, tung marribu hali do.
02. VOTUM
– INTROITUS - TANGIANG
P : Marhitehite
Goar ni Debata Ama, dohot Goar ni AnakNa Tuhan Jesus Kristus, dohot Goar ni
Tondi Parbadia na tumompa langit dohot tano on.
K: Amen.
P : Songon on do didok Tuhan
Jesus : Ianggo poda na di Ahu, ndang Ahu nampunasa, poda ni na marsuru Ahu do
i. Molo adong manang ise na mambahen lomo ni roha ni Ama i, botoon ni i do taringot tu poda i,
manang na sian Debata i, manang na Huhatahon i sian roharohangKu sandiri.
Songon na nidok ni Surat i : Angka batang aek na mangolu do mabaor sian
pamatang ni na porsea di Ahu. Haleluya ... ! Martangiang ma hita ! Ale Tuhan Debata Amanami ! Nunga marpungu hami
dison di ari na pinarbadiaanMi. Sai buhai ma pinggol dohot rohanami, asa marlas
ni roha hami manangihon hataM na badia i jala ringgas hami manimbangi dohot
umpeop HataM di bagasan rohanami, asa pos rohanami martangiang tu Ho. Urupi ma
hami, asa huparhaseang hami angka ariari ni ngolunami na pondok i. Sai pamasuk
ma hami tu hangoluan saleleng ni lelengna. Pujionnami ma Ho disi marhitehite
Tuhan Jesus Kristus Tuhannami. A m e n.
03. MARENDE : BE. HKBP. NO. 470 : 1 – 2 “JESUS HO NAMPUNA AU”
1. Jesus Ho nampuna au Dohot na adong di au
Gogo
dohot hosangki sahat ma tu tanganMi
2. Sai rajai ma matangki manangkasi dalanMi
Sai
patinggil pinggolhi tumangihon hataMi
04. EPISTEL :
Lukas 12 : 13 – 21
P : Turpuk Epistel di
partangianganta di bodari on tarsurat di Lukas 12 : 13 – 21, tajaha ma marsingkat
sorin, Jadi adong ma sahalak sian natorop i na mandok tu Ibana: Guru, dokkon ma
amparangku marbagi teanteanannami rap dohot ahu!
K: Alai didok ma tu ibana: Baoa! Ise do pabangkit
Ahu gabe panguhum manang sibagi teanteanan di hamu?
P: Laos didok ma tu nasida: Jaga ma hamu,
pasiding hamu ma nasa haholiton! Ai nang pe marlobilobi halak, ndada sian
artana i ngoluna.
K: Gabe dihatahon ma sada umpama tu nasida, ninna
ma: Suha do gogo ni hauma ni sada halak na mora.
P: Jadi marhusari ma ibana di bagasan rohana
songon on: Aha nama bahenonku? Ai ndang adong hasiatan ni gogo ni tanongki.
K: Gabe ninna ma: On ma bahenonku: Hulohai nama
angka sopongki, hupauli ma angka na umbalga, asa tusi papunguonku sude na tubu
i ro di artangku.
P: Jala dohononku ma tu tondingku: Ale tondingku,
nunga rade godang artam, sae manang piga taon on. Ipe, marhasonangan ma ho,
mangan minum ma ho, las ma roham!
K: Alai ninna Debata ma mandok ibana: E ho na
loahon! Saborngin on ma tungguon hosam sian ho. Ia na pinaradem, tu ise ma i?
P: Songon i ma masa di halak an, na papunguhon
arta di dirina, anggo so mamora ibana di Debata. Ima sahatna.
Martua do angka na tumangihon Hata ni
Debata dohot na umpeopsa. Amen.
05. MARENDE : BE. HKBP. NO. 25 : 1 – 2 “HATAMI
ALE TUHANHU”
1. HataMi, ale Tuhanku, arta na ummarga i, sai
paian di rohangku, unang so hutiop i.
Molo so be sitiopan hata na badia i, aha nama haojahan ni haporseaon i ?
2. Ale Jesus sai matahon, sai ramoti ma au
on, asa hot haporseaon di bagasana rohangkon.
Sai paringas
ma rohangku mangoloi di hataMi, asa mauas di podaMu songon si Maria i.
06. JAMITA : Poda 22 : 22 – 29
(Pasiding Hamongkuson/ Jauhi Ketamakan)
Hita na hinaholongan ni Tuhanta Jesus Kristus.
Pangajarion do na pinasahat ni raja Salomo di tingki di ngoluna tu bangso
Israel, asa mangolu nasida songon bangso na bermoral di tonga ni angka bangso
na asing. Ima :
1) Na parjolo, dipaingot raja Salomo
asa gabe halak parholong roha nasida tu angka na parir ngoluna (ay. 22). Didok
di turpuk on, “Unang tung pupusi halak na parir, ala parir ibana, jala unang tung
pajepol halak na dangol hian di paruhuman”. Di hata Indonesia didok, “Janganlah merampasi orang lemah karena ia
lemah, dan janganlah menginjak-injak orang yang berkesusahan di pintu gerbang”.
Masa do i di tingki halak na gogo mamupusi halak na parir (na pogos, na gale,
na dangol jala na marsiaksiak ngoluna). Ala ndang adong sipangasahon ni halak
na parir i, ndang adong huasona, jala boi do bilangan ni jarijari halak na olo
melindungi halak na parir. Songon i do nang di tingkinta nuaeng, godang do
halak na gogo (parhuaso jala na mora) manggosagosa halak na parir ngoluna, ala
pogos jala ndang mardihadiha, ndang olo mangalo. Boasa olo halak mamupusi
(memeras) halak na parir, na gale ? Hape nunga mamora jala adong huasona alai
sai tong mamupusi halak ? Ala mongkus di huaso nang arta portibi, ujungna halak
na parir pe dipupusi (diperas, dirampas). Ndang merasa puas di ngoluna, sai
tong hurangan, songon linta na so hea butong mangisap mudar ni jolma. Songon i
ma halak na sai holan mamupusi halak na parir ngoluna. Alai taingot ma Hata ni
Debata mandok, “Jahowa do marluluhon
parkaro nasida, jala Ibana mamutusi hosa ni angka na mamutusi nasida” (ay.
23). Taida mansai tangkas jala tegas do Hata ni Debata di turpuk on.
Singotsingot na mansai koras do on tu sude halak, asa manghaholongi angka halak
na parir. Debata do na gabe alo ni halak na mamupusi halak na parir, ai didok
do di ay. 23b “Debata na mamutusi hosa na mamutusi nasida”. Molo ndang mabiar
be hita mida Debata marhite HataNa di turpuk on, na marlapatan na mangalo
Debata ma hita disi. Boasa Debata marluluhon parkaro angka na parir na sai
dipupusi halak ? Ala ndang dihalomohon Debata adong pemerasan di ngolu ni jolma
i. Debata sandiri ndang hea mamupusi halak na parir. Naeng songon parrohaon ni
Debata ma parrohaonta, manghaholongi halak na parir ngoluna. Molo ndang boi
taurupi dongan na parir, minimal unang tapupusi nasida. Alai saboiboina, naeng
ma taurupi angka dongan na parir ngoluna, tatungkoli jala tahaholongi songon
Debata na manghaholongi hita.
2) Na paduahon, naeng malo hita
mamillit dongan, didok di ay. 24, “unang maraleale tu angka parmuruk (orang
yang suka gusar) dohot parrimas manang parpiripiri (pemarah)”. Boasa ?
Molo maraleale hita dohot halak sisongoni, gabe dohot hita parmuruk jala
parpiripiri, gabe tabahen jorgong di hosanta (memasang jerat pada leher
sendiri). Angka parmuruk jala na piripirion hatop do i tersinggung, cenderung
hatop mambalos molo muruk, tompu ndang parduli aha na nidokna dohot na
binahenna tu donganna. Jala jotjot ndang terkendali murukna manang rimasna.
Halak na songon i ndang pantas (tidak layak) gabe aleale (menjadi sahabat). Ai
boi do ibana tompu muruk tu hita ndang binoto aha alana, ujungna gabe mamboan
masalah na balga tu hita. Jala olo do karakterta pe gabe sarupa dohot ibana,
gabe parmuruk dohot parpiripiri tu halak na asing. Menular do karakter na jahat
molo sai tadongani halak na jahat. Ujungna gabe terperangkap ma hita di
karakter na jat, na mambahen harugian tu dirinta sandiri. I do na nidokna
mambahen jorgong tu hosanta sandiri (membuat jerat bagi diri sendiri). Molo
naeng maraleale hita tu sasahalak, maraleale ma tu angka dongan na so parmuruk,
na so parpiripiri, asa unang terancam hosanta. I do lapatanna. Alani ingkon
marbisuk do hita mamillit aleale. Ndang na ingkon na mora jala parhuaso
alealenta. Ndang persoalan mora manang pogos karakter ni halak parmuruk dohot
na parpiripiri. Na mora nang na pogos sai adong do na parmuruk dohot na sai
piripirion. Alai na ni maksud ni turpuk on, manat hita mamillit aleale, unang maraleale dohot
halak sisongon i.
3) Na patoluhon, di ay. 26-28, didok
Hata ni Debata, naeng ma hita gabe halak na jujur. Molo marutang pe hita, naeng
ma tagarar utangta hombar tu naung tajanjihon ; molo marjanji hita naeng tagohi
janjinta tu manang ise pe i. Angka halak na manggohi padan manang janji naung
disepakati, i ma halak na satia jala haposan di hata nang di pambahenan pe.
4) Na paopathon, diondolhon Hata ni
Debata asa unang tapaorot talutuk sian na robi (batas tanah yang sudah
ditetapkan sebelumnya dari awal). Godang halak na paorot batas tano naung
tinotophon ni ompu nasida manang natoras nasida. Isarana, dibagi natoras ma
teanteanan tano tu angka ianakhonna, dung dibagi teanteanan tano i, dibahen ma
batas tano ni anak siangkangan nang sipaidua. Alai adong ma salah satu sian
anakna i na paorot batas tano i, ujungna gabe marbadai ma na marhahaanggi.
Boasa dipaorot talutuk (batas tano) naung tinotophon natorasna hian ? Ala ni
hamongkuson di arta (tano), gabe dipaorot ma talutuk i, asa lam bidang tanona.
Na manangko tano ni halak do hita molo tapaorot talutuk (batas ni tano) naung
tinotophon. Lapatanna, hamongkuson di arta portibi gabe mambahen halak
manangko. Rakus akan harta akan membuat manusia melakukan dosa (jaha 1 Timoteus
6:10). Ala ni i do dipaingot Hata ni Debata hita, molo nunga ditotophon talutuk
sian na robi, unang be tapaorot, asa unang patubuhon parbadaan hita di tonga ni
keluarga nang na marhombar balok pe. Tapatuduhon ma tu donganta, ndang jolma na
mongkus hita di arta haportibion.
5) Na parpudi, naeng do tajugulhon
mangula ulaonta (kerja keras dan bersungguh-sungguh), asa tindang hita
marhalado di jolo ni angka raja (ay. 29). Halak na malo mamangke talenta na
pinasahat ni Debata tu ibana, dipahembang talenta na adong di ibana, jala boi
dipertanggungjawabkan tu Debata, gabe diparade Debata di ibana pasupasu.
Lapatanna, ndang dipaila Debata, manang ndang marlea angka halak na ringgas
mulaulaon. Ala sude ulaonna diula denggan jala boi dipertanggungjawabkan tu
Debata. Molo boi hita mengembangkan secara maksimal talenta dohot ulaon na
pinasahat ni Debata tu hita, marhite angka profesinta be. Jala gabe sangap do
hita di angka ulaonta i diida masyarakat, ala berhasil hita jala gabe pasupasu
hita tu na humaliang hita.
Hita na hinaholongan ni Tuhanta Jesus Kristus. Ima
pangidoan ni Hata ni Debata di gulmit ni ngolunta tarlumobi di situasi na
normal parngoluonta i. Alani, aha do na naeng ondolhonon Hata ni Debata i tu
tongatonga ni ngolunta di bagasan situasi naung taadopi dope songon di tingki
on. Di naeng pamasaon ni portibi dohot Pamarentata ima “New Normal Life” manang
“Kenormalan na imbaru”. Na marlapatan, di situasi naung masa dope merebaknya
pandemi Covid 19 on di Negarata on, diparrohahon Pamarenta do asa unang gabe so
aktifitas dohot roda perekonomian rakyat, ingkon boi do hita manguduti
parngoluonta manang aktifitasta ganup ari, alai huhut ma hita mangharingkothon
mangihuthon Protokol Kesehatan naung tinotophon Pamarenta. Alani, songon halak
na porsea hita ingkon mendukung di sude kebijakan Pamarenta tarlumobi asa lam
tarpasupasu ngolunta marhite ganup angka ulaonta be. Hipas hita secara pribadi,
hipas keluargata, hipas suang songon i angka masyarakat di humaliangta, jala
boi hita mangalului angka na ringkot di pardagingon nang partondionta. Tuhan ma
mamasumasu hita. A m e n.
07. MARENDE : BE. HKBP. NO. 811: 1- 2 Di
au ma Ho Tuhan
1. Di au ma Ho Tuhan di ari-aringki, Ai denggan
ni basaM padame rohangki.
Di sude partingkian, di
sude inganan. Di au ma Ho O Tuhan asi rohaM.
2. Di au ma Ho Tuhan dipangunjunan i, Monang do
au Tuhan molo Ho donganki.
Di sude partingkian, di
sude inganan. Di au ma Ho O Tuhan asi rohaM.
08. TANGIANG PANGONDIANON
09. MARENDE : BE. HKBP. NO. 672
: 1 – 2 “TUNG GODANG
SITUTU”
1. Tung
godang situtu ulaonmu, Dipasahat Tuhanta tu ho, ndang adong be tingkim
marnalemba
tahe, ngolumi bahen tiruan tongtong.
Sai patupa ma i ala ni Tuhan i, so
mangkirim balosna tu ho.
Debata
do marnida na niulami. Manang na adong parbue ni i.
2. Ai
lambok do soara ni Tuhanta i, Ro ma ho las ma nang rohami,
Sai
taingot tongtong hata ni Tuhan i, Mangarahon jolma tu Tuhan i. Sai patupa …
10. TANGIANG PELEAN, ALE
AMANAMI, PASUPASUPASU, ENDE PANGUJUNGI
P : Tatangianghon
ma peleanta, martangiang ma hita. Ale Debata, Amanami na di banua ginjang, Ho
do haroroan ni saluhut silehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, peleannami tu Ho. Sai jalo ma i
gabe uap na hushus di joloM. Pasupasu ma i jala ramoti asa huparhaseang hami
pelean on, patimbulhon harajaonMu di tongatonga ni HuriaM dohot di portibi on.
Buhai ma rohanami marhitehite TondiM, asa lam hutanda hami godang ni
silehonlehonMi tu hami, asa lam girgir hami mandok mauliate tu Ho, marhitehite
Jesus Kristus Tuhannami. Amen. Rap ma hita mandok di Tangiang Ale Amanami ... (Molo parhalado partohononan jumolo ma mandok
Tangiang Pasupasu). Alai molo ndang langsung ma mangendehon :
K : (MANGENDEHON) BE. HKBP. NO. 36 : 3 “PASUPASU HAMI”
3) Amen hudok hami, ale Tuhannami ; na marasi roha i, sangap ma di goarMi.
Komentar
Posting Komentar