(48). SURAT HIMBAUAN KEENAM PRAESES HKBP DISTIRK XXIX DELI SERDANG

                                                                                                                         Lubuk Pakam, 07 Juni 2020

No.      : 16 / SP / D – XXIX / V / 2020

Hal.     : Pangaradeon tu New Normal

Lamp.             : -

Mandapothon Nahinormatan :

1.      Sude Pandita Ressort

2.      Sude Uluan ni Huria

3.      Sude Pangula na gok tikki

4.      Ruas

Sa – Distrik XXIX Deli Serdang

Di :

Ingananna be

Tabe di hamu dibagasan goar ni Tuhanta Jesus Kristus.

Di bagasan roha na mamuji tu Tuhanta pardenggan basa I, ro do hami manopot hamu angka na hinaholongan marhite hahasahat ni suratnami on.

Dom utu sikap dohot kebijakan ni pamarenta taringot tu na mangadopi Pandemi Covid-19 na masa di partingkian on, ima na patupa “New Normal” manang “Tatanan hidup baru” mangujungi kebijakan Pembatasan Sosial Berskala Besar (PSBB). Dipatupa Distrik do rapat di tanggal 05 Juni 2020 maringanan di Kantor Distrik, jala parsidohot di Rapot I ima, MPSD, MPS, Kabid, Perangkat Distrik na niuluhon Praeses Distrik XXIX Deli Serdang.

Asa pasahathon nami ma sian rapot I na gabe siulahononta hombar tu panghobasion di huria di masa ni New Normal on :

1.   Patupaonta ma parmingguon di gaereja mulai minggu tanggal 5 Juli 2020, di bagasan ruhut ni Protokol Kesehatan. Hombar tu si, sihobasan ni huria ima :

a.  Patupa sosialisasi tu ganup ruas taringot parmingguon tanggal 5 Juni 2020, asa sude mangantusi rumang ni parmingguon i.

b.      Paias lingkungan Gareja (Luar dohot dibagasan), jala dipatupa penyemprotan Disinfektan.

c.     Parade alat Kesehatan : Alat Cuci Tangan di Pintu masuk Gareja, Alat Pegukur Suhu Tubuh / Thermometer Gun.

d.   Mangatur Parhundul marhite na mambahen tanda ni Parhundulon, dalan manjaga jarak ganup ruas. Taingot tu teknisna pinasahat ma tu ganup huria mangaturhon, isara ni na manamba parmingguon, manang mangatur haroro ni ruas per sektor manang manambai kursi, dna.

e.    Durasi ni Parmingguon asa diaturma sajompok-jompokna, jala Koor ndang pola di pamasa jolo.

f.       Ganup ruas na ro tu parmingguon ingkon mamangke Masker.

g.      Unang ma jolo marsijalangan.

h.      Na so boi dohot tu parmingguon I :

1.      Dakdanak di toru ni umur 9 Taon unang manjolo di boan tu Parmingguon.

2.      Namarsahit termasuk na mohop lobi sian 37 derajat Celcius.

3.     Sundut na tumua (angka naung ditogutogu / manang na gale daging nang panghilalanna).

2.    Partangiangan : Hot ma jolo mardalan partangiangan keluarga di bagas na be, jala acara diparade huria ma.

3.   Sermon : Sermon Huria / Sermon Ressort nungga boi mardalan, (tongtong ma mangihuthon ruhut ni hahipason / protocol kesehatan).

4.     Taon 2020 ima taon periode di HKBP, Jala Sinode Godang dipatupa tanggal 19 – 25 Oktober 2020 di Seminarium Sipaholon, marhadomuan tu ulaon I :

a.  Rapot Periodisasi Huria, Na so dipatupa dope, asa dipatupa ma na lambatna di bona ni Bulan Juli 2020.

b.   Rapot Periodisasi di Ressort, Na so dipatupa dope asa dipatupa ma na lambatna ujung ni bulan Juli 2020.

c. Periodisasi PPD dohot PND, Dipatupa ma andorang so dipatupa Sinode Distrik, jala kebijakan do pangaturna pinasahat ma tu Kabid Koinonia Distrik.

Songon I ma pinasahat tu hamu saluhutna Pandita Ressort, Uluan ni Huria, Parhalado na gok tikki dohot sude ruas ni HKBP Distrik XXIX Deli Serdang on. Tapakke ma partingkian on patupa panorangion tu ruas ni huria mangantusi dohot manjanghon hasomalon na imbaru on. Sai tongtong dilehon Tuhanta ma di hita hahipason jala marsihohot ma hita dibagasan panghirimon tu Tuhanta pardenggan basa I, di nasa panghobasionta.

Tabe mardongan tangiang

HKBP Distrik XXIX Deli Serdang

Praeses

Pdt. Same Siahaan, S.Th

Tembusan :

1.      Ephorus HKBP (Laporan)

2.      MPSD / Kabid MPS Distrik XXIX DS

3.      Pertinggal