(41). TATA IBADAH PARTANGIANGAN KELUARGA - RABU, 27 MEI 2020

PARTORDING PARTANGIANGAN KELUARGA/SEKTOR (KHUSUS)

MENYIKAPI SITUASI “PHYSICAL DISTANCING” MEMBERANTAS PENYEBARAN CORONAVIRUS DISEASES – 19 (COVID – 19)

DI HKBP PETUARAN RESSORT PERBAUNGAN

RABU, 27 MEI  2020                      PUKUL 19:30 WIB

P A N G A R A D E O N

ü  Paradehon Buku Ende, Bibel,  tarlumobi roha di bagasan haporseaon di Tuhan Jesus Kristus

 

01. MARENDE : BE. HKBP. NO. 644/645 : 1 – 2       “RO MA HO PARASIROHA”    

1.   Ro ma Ho parasi roha Sai pagirgir rohangkon. Mangendehon denggan

basa ni lehonMu di au on, Tiruonhu ma suruan mangendehon sangapMi,

Pujionhu Ho Jahowa partanobatoanki.

2.   Na malua do tondingku, ala hagogoonMi. Pos rohangku boanonMu

diringkon tu surgo i, Jesus sai lului au, atik tung na lilu au

Na dihophop Ho do au, na mambaen mangolu au.

02.  VOTUM – INTROITUS - TANGIANG

P   :        Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on.

K: Amen.

P   :        Songon on ninna Tuhan Jahowa : LehononKu tu hamu roha na imbaru dohot tondi na imbaru tu bagasan ateatemuna, jala unsatonKu do roha batu sian dagingmuna, jala lehononKu tu hamu roha na marpangkilalaan. Jala lehononKu ma TondingKu tu bagasan ateatemuna, Ahu do mambahensa, asa marparange hamu di bagasan angka PatikHu, angka uhumHu pe radotanmuna jala patu;aonmuna do. Di hamu do bagabaga i dohot di angka anakhonmuna ro di saluhut na dao, manang piga na naeng jouon ni Tuhanta dope. Haleluya ... ! Martangiang ma hita !  Ale Tuhan Jesus ! Hudok hami mauliate tu Ho sian nasa rohanami, ala dipaojak Ho huriaM di tano on, jala ala dohot hami dijou Ho tusi. Sai suru ma Tondi Parbadia tu rohanami, asa tung huparhatopot hami Ho hangoluannami, asa lohot tu Ho hami marhitehite haporseaon na sintong, jala asa tongtong huhalashon hami pasangaphon GoarMu, na tarjpuji ro di saleleng ni lelengna. Amen.

03.  MARENDE : BE. HKBP. NO. 504 : 1 + 3   “DITOGU TUHAN JESUS AU”     

1.   Ditogu Tuhan Jesus au, i do na mangapuli au. Diganup dalan

nang tung maol, tanganna do tongtong huhaol, Ditogu togu Jesus au,

tanganna sai maniop au, Tongtong ma siseanna au, paima boi tu surgo lao.

3.      Gomos ditiop tanganki, sotung na silap langkangki. Di nasa parsorionki,

Ibana haporusanki. Ditogu togu Jesus au, tanganna sai maniop au,

Tongtong ma siseanna au, paima boi tu surgo lao.

04.  EPISTEL :                                 Jesaya 63 : 11 – 14

P   :        Turpuk Epistel di partangianganta di bodari on tarsurat di Jesaya 63 : 11 – 14, tajaha ma marsingkat sorin, Alai sai tongtong do anggo ibana marningot di bangsona uju di ngolu ni si Musa di angka ari na robi, alai anggo naung didok nasida: Didia do ibana naung mamboan nasida, nangkok sian laut rap dohot parmahan ni parduaan ni birubiruna? Didia ibana na marsagihon Tondina na badia i tu tongatonganasida?

K:  Ise ibana na manogu si Musa marhite sian tangan hamuliaonna naung patolak aek di jolonasida laho mambahen baritana salelenglelengna.

P:  Ibana na manogu nasida mamolus angka pusat, songon hoda di adaran, ndang dung tartuktuk?

K:  Songon pinahan na tuat tu rura, ditogihon Tondi ni Jahowa nasida tu hasonangan; songon i pe ditogihon ho bangsom asa mambahen goarmu marmulia.

P:  Ima sahatna. Martua do angka na tumangihon Hata ni Debata dohot na umpeopsa. Amen.

05. MARENDE : BE. HKBP. NO. 465 : 1 – 2   “PASUPASU LEHONONMU”   

1.   Pasupasu lehononMu ido bagabagaMi. Songon angka udan nene

sai tu au manetek i. Nang tu au, nang tu au, patetekkon i tu au

2.   O Amang sai ro apuli dohot au na marsak i. Sai pamalum nang

rohangku na tongtong marsahit i. Dohot au, dohot au, sai pamalum dohot au

 

06. JAMITA : Galatia 5 : 16 – 26

Tondi ni Jahowa manogu tu hasonangan

                Hita na hinaholongan ni Tuhanta Jesus Kristus.  Molo dung porsea hita di Tuhan Jesus nunga gabe halak na merdeka hita secara sempurna. Ala tuan ni sude na memenjarakan jolma, ima dosa, sibolis dohot hamatean, nunga ditaluhon Jesus marhite haheheonNa. Molo porsea hita di Tuhan Jesus, ndada be sibolis marhuaso di hita, alai Tuhan Jesus Kristus nama, na mangalehon kemerdekaan penuh.

                Alai, torop do jolma na girgiran hatoban. Nunga dipalua, alai dilehon muse dirina gabe hatoban. Songon i do nang halak Galatia on. Dirimpu nasida do molo dung merdeka nasida, boi ma nasida bebas sebebas-bebasnya pasaut hagiotna na roa, parbonsiran tu sibuk (kehidupan dalam dosa – ay. 13). Songon hoda na pinalua ma. Ai molo mardosa pe iba adong do pengampunan ; nidatdatan ma mardosa ai torus do adong asi ni roha ni Tuhan Jesus, ninna rohana (pat. Rom 6:1-2). Hape, ndang i kebebasan. Gariada molo songon i, dos do i na pasahathon dirinta muse tu penjara ni dosa i, tu penjara ni sibolis. I do ra nang na masa di zamanta nuaeng, di era kebebasan on. Torop dongan madabu tu kebebasan na kebablasan, na palobihu. Lomo ni jolma do memposting angka barita, so mangarahon privasi, nama baik, harga diri dohot masa depan ni halak. Nang pe naung torop na hona uhum terjerat di Undang-undang ITE, alai torop do na so mehon. Nang angka pangalaho ni anakhonta pe, nunga jotjot hita natoras “mengusap dada” paidaida nasida na pebebashu. Angka guru manang pendidik pe songon i. Ai lam mabiar hita menegur na umposo dohot halak na asing ala mabiar so tung melanggar Hak Azasi Manusia (HAM). I ma mambahen lam kebablasan ma kebebasan i.

                Hita na hinaholongan ni Tuhanta Jesus Kristus.  Nuaeng di turpuk on, dipaingot si Paulus ma huria Galatia nang hita, naeng ma hita gabe halak na merdeka sian dosa, alai tarihot ma hita di Tuhan Jesus. Aha ma siulaonta taringot tusi ? Ima na pinatudu ni si Paulus dison marhite na patuduhon dua cara hidup rap dohot akibat manang hasil ni na dua cara hidup i, asa tapillit sada na dumenggan sian na dua i. Dia ma i ? Ima mangolu di bagasan daging na mamparbuehon parbue ni daging – manang – mangolu di bagasan Tondi na mamparbuehon parbue ni Tondi.

1.   Na parjolo, Mangolu di bagasan daging,

a)  Ima ngolu na nihuasoan ni daging, na mura madabu tu dosa, sarang pemberontakan tu Debata. Hidup menurut daging adalah kehidupan yang berpusat pada diri sendiri, dikuasai oleh hasrat dan keinginan manusia, hidup sesuka hatinya.

b)  Jala didaftarhon apostel Paulus ma angka parbuena di ay. 19 – 21 ima : parmainanon (percabulan = lawan katanya adalah : kesucian), hahodaron (kecemaran = Yunani : akatharsia, sesuatu yang membuat manusia tidak layak datang ke hadapan Allah ; segala sesuatu yang memisahkan kita dari Allah), pargadombuson (hawa nafsu = Yunani : aselgeia = na so boi mangarajai diri sehingga tidak memperdulikan orang lain), hasipelebeguon (penyembahan berhala = mardatu, mamele sumangot, mangido pasupasu sian tondi ni na mate, dlna), hadatuon (sihir), parmusumusuon (perseteruan = sifat memusuhi sesama. Lawan kata adalah : mengasihi, mengampuni), parbadabadahon (perselisihan = persaingan karena ambisi yang tak terkendali sehingga menimbulkan persaingan yang berakhir pada perselisihan), pangiburuon (iri hati = Yunani : zelos = mengingini milik orang lain), rimasrimas (amarah = amarah yang meledak-ledak, parsumbu pendek), pargutugutuon (kepentingan sendiri = Yunani : eritheia = ambisi untuk menduduki jabatan demi keuntungan pribadi), parsalisian (percideraan = merasa diri lebih hebat dari orang lain, sehingga menimbulkan perpecahan), partahitahion (roh pemecah = Yunani : hairesis, menganggap musuh dan harus dihabisi setiap orang/kelompok yang berbeda dengan dia), bunubunu (kedengkian = Yunani : phtohonos = sakit hati atas milik orang ; susah melihat orang lain senang, senang melihat orang lain susah), parmabuhon (kemabukan  = yang bisa membuat orang lupa diri dan bertingkah laku tak terpuji), haormuson (pesta pora = Yunani : komos = merayakan kemenangan hingga lupa diri dan jatuh pada kemerosotan moral), jala angka na suman tusi.

c)  Aha ma hasil ni ngolu na di bagasan daging on ? Ndang teanon ni angka na mangulahon sisongon i harajaon ni Debata” di balian do nasida, ndang dohot masuk tu surgo i. Di Rom 8:7-8, didok “Hamusuon dompak Debata do harohaon ni daging ; ndang olo unduk i di patik ni Debata, ai ndang tarbahensa. Alai ndang tarhalomohon Debata angka parroha daging”. Di Rom 8:6+13, didok hamatean sisaleleng ni lelengna do jambar nasida. Di BE. NO. 236, didok Jotjot do marsak iba, binaen ni jolma i, na humaliang iba, parroha daging i. Ay. 2 Sai naeng tu hamagoan, sude nasida lao, ai sian hangoluan tongtong nasida dao. Hamu angka dongan ! Boha, adong do hita naung berencana asa sisongon i muse. Ndang mungkin ate. Molo boti aha ma sibahenonta, dia ma sipillitonta ?

2.   Ima na paduahon i, Mangolu di bagasan Tondi,

a)  Na songon dia ma i ? Tajaha di ay. 24 “angka na ginomgoman ni Kristus Jesus, diparsilangkon do dagingna rap dohot angka hisaphisap dohot sangkapsangkap” Hidup di dalam Roh berarti hidup di dalam Kristus, tidak pernah terpisah dari Kristus, seluruh hidupnya dipenuhi Kristus. Pikiran dan keinginannya dikendalikan Kristus dan selalu tertuju pada Allah sehingga semakin hari semakin dekat ke surga walau berada di dunia.

b)  Parbuehon nasida ma Parbue ni Tondi, na boi tajaha di ay. 22. Dia ma i ? Holong dohot las ni roha (sukacita, Yunani : khara = ima las dohot sonang ni roha ala ni asi ni roha ni Debata naung jinalona, nang pe ingkon manaon ala ni haporseaonna), dame (damai sejahtera, Yunani : eirene = ketenangan hati dan pikiran karena percaya bahwa seluruh hidupnya ada di tangan Tuhan yang akan memberikan yang terbaik baginya) dohot lambas ni roha, habasaron, habasaon, haporseaon, halambohon, dohot hatomanon.

Ala ni i, tatinggalhon ma ngolu na paolooloi daging i. Alai holan marguru tu Tondi i ma, jala taparbuehon ma parbue ni Tondi i. Amen.

07. MARENDE : BE. HKBP. NO. 424 : 1 – 2   “SOARA NI TONDI”                     

1.   Soara ni Tondi  ni  Tuhanta I jot-jot dilao si, ditulak ho i. Sai

Tanda jeamu, pauba roham, dapothon Tuhanmu, si sesa dosam.

2.   Marunduk ni roha tapoti sude, Pambaenanmu na torbang, jengkelmu sude,

Pasahat tu Jesus sandok dirimi. Sai tong pasunggulhon pangkophopNa i.

08.  TANGIANG PANGONDIANON

09.  MARENDE : BE. HKBP. NO. 463 : 1 - ...      “PASUPASUM TONGOSONMU”

                (Papungu Pelean tu Huria)

1.   PasupasuM tongosonMu i do didok hataMi, Suru tondiM  na badia,

      bosur ma baen rohangki. HagogoonMu songgop ma tu rohangkon.

      Unang sai holan manetek, gohi sandok diringkon.

2.   Buat ma angka pangambat, unang songsong dalan i. Mual ni aek

      hangoluan ringkot do di rohangki. HagogoonMu………………………..

10.  TANGIANG PELEAN, ALE AMANAMI, PASUPASUPASU, ENDE PANGUJUNGI

P   : Tatangianghon ma peleanta, martangiang ma hita. Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen. Rap ma hita mandok di Tangiang Ale Amanami ... (Molo parhalado partohononan jumolo ma mandok Tangiang Pasupasu). Alai molo ndang langsung ma mangendehon :

K   : (MANGENDEHON) BE. HKBP. NO. 36 : 3 “PASUPASU HAMI”

3) Amen hudok hami, ale Tuhannami ; na marasi roha i, sangap ma di goarMi.