PARTORDING PARTANGIANGAN KELUARGA/SEKTOR (KHUSUS)
MENYIKAPI
SITUASI “PHYSICAL DISTANCING”
MEMBERANTAS PENYEBARAN CORONAVIRUS DISEASES – 19 (COVID – 19)
DI HKBP PETUARAN RESSORT PERBAUNGAN
RABU, 06 MEI 2020 PUKUL 19:30
WIB
P A
N G A R A D E O N
ü Paradehon Buku Ende, Bibel, tarlumobi roha di bagasan haporseaon di Tuhan
Jesus Kristus
01. MARENDE : BE. HKBP. NO. 585 : 1 – 2 “SOMBA MA JAHOWA”
1. Somba ma Jahowa Debatanta Amen Haleluya. Sigomgom
langit
tano on ro diisi
na Amen Haleluya. Beta hita lao, marsinggang tu joloNa.
Amen Haleluya na
songkal jala na badia do Jahowa, Amen Haleluya
Reff: Endehon Amen haleluya, endehon Amen
haleluya,
endehon Amen haleluya endehon, Amen haleluya 2X
2. Puji ma Jahowa Debatanta, Amen Haleluya, Parasi
roha na sumurung
do Ibana, Amen Haleluya.
Taendehon ma goar ni Debatanta, Amen Haleluya
Alani denggan ni basaNa
tu hita, Amen Haleluya.
Reff: Endehon Amen haleluya.......
02. VOTUM
– INTROITUS - TANGIANG
P : Marhitehite
Goar ni Debata Ama, dohot Goar ni AnakNa Tuhan Jesus Kristus, dohot Goar ni
Tondi Parbadia na tumompa langit dohot tano on.
K: Amen.
P : Endehon hamu di Jahowa
ende na imbaru, ai nunga dipambahen Ibana angka halongangan. Nunga dipabotohon
Jahowa hatuaonNa, nunga dipapatar Ibana hatigoranNa di adopan ni angka
sipelebegu. Nunga ditumpahi tangan siamunNa na badia i Ibana. Haleluya ... ! Martangiang ma hita ! Ale Tuhan Jesus, Tuhannami ! Na mandok
mauliate do hami tu Ho, ala ditaluhon Ho do dosa dohot hamatean marhitehite
hamamateM i, ala disondangi Ho tanomannami, asa marpanghirimon na mangolu hami
ala ni haheheonMi. Ndang pola be mabiar hami mida hamatean, ai Ho do ulunami,
ruasMu do hami. Dipaunsat Ho do hami sian haholomon tu hatiuron, sian hamatean
tu hangoluan. Antong pargogoi ma hami mamuji dohot mangoloi Ho ariari,
pasangaphon Ho di bagasan haporseaon na mangolu, paima sahat hami tu lambungMu.
Amen.
03. MARENDE : BE. HKBP. NO. 587 : 1 – 2 “TAENDEHON
LAS NI ROHA”
1. Taendehon las ni roha pasangaphon Tuhan i, Roha
holong na mangonjar laho mangendehon i, Ganup ari ganup borngin unang lupa ho
disi. Angka ende na ummuli si pasangap Tuhan i, Nang parhinaloan i baen
pasangap Tuhan i.
2. Taendehon las ni roha, sipadame roha i. Tung
dao do bada-bada, dohot angka hosom i. Hadameon
ni Tuhanta i do sihirimon i. Tapalambas ma rohanta, mida angka dongan i, Na
martua do sude, na lambok maroha i.
04. EPISTEL :
Pangungkapon 12 : 10 – 12
P : Turpuk Epistel di
partangianganta di bodari on tarsurat di Pangungkapon 12 : 10 – 12, tajaha ma marganti
sorin, Dung i hubege ma soara na gogo di banua ginjang, na mandok: Nunga sahat
nuaeng haluaon dohot hagogoon dohot harajaon ni Debatanta dohot hamuliaon ni
Kristusna; ai nunga dipabali pangasung i, na mangasungi angka hahaangginta
arian dohot borngin di jolo ni Debata.
K: Nunga ditaluhon nasida ibana hinorhon ni mudar
ni Birubiru i dohot hinorhon ni hata na hinatindangkonnasida; ndang diparhamaol
nasida hosanasida rasirasa mate.
P: Dibahen i marlas ni roha ma hamu, angka banua
ginjang dohot pangisina! Marjea ma tano i dohot laut, ai nunga tuat sibolis i
tu hamu, marrimas situtu; ai diboto, otik nama tingkina!. Ima Sahatna. Martua
ma na tumangihon hata ni Debata, jala naumpeopsa. Amen.
05. MARENDE: BE.HKBP. NO.564: 1 – 2 “LAS MA ROHANTA DI TUHANTA DEBATA”
1. Las ma rohanta di Tuhanta Debata. Las ma rohanta di Tuhanta Debata
Las ma rohanta di Tuhanta Debata.
Haroroan ni hagogoon i.
2. Parasi roha do Jahowa Debata, Parasi roha do Jahowa Debata,
Parasi roha do Jahowa Debata, Parasi roha ma nang hita on.
06. JAMITA : 5 Musa 31 : 14 – 22
Hita na hinaholongan ni Tuhanta Jesus Kristus.
Adong do umpasa ni halak Batak mandok : “Tinampul
bulung sihupi, pinarsaong bulung sihala, unang sumolsol tu pudi, ndada
sipaingot na soada” Diajarhon umpasa on do ringkot ni poda asa unang
tartuktuk tu jolo. Molo sala sasahalak hape nunga dipaingot, tontu na disengaja
do i, jaloonna ma upa/uhumna. Alai molo tung sala sasahalak mangalangka ala na
so adong paingothon, boi dohonon na so diboto/diantusi do. Jadi tung mansai
ringkot do poda/sipaingot asa unang sala mangalangka, unang adong panolsolion
di pudian ni ari. Di ay. 14 pamuhai ni turpuk jamitanta on tarsurat, “Dung i ro
ma Hata ni Jahowa tu si Musa : Ida ma, nunga jumpang ne ajalmu, na mate ma ho ;
antong jou ma si Josua, jala jongjong ma hamu di bagasan undungundung
parluhutan i, asa martona Ahu tu ibana. Jadi laho ma si Musa rap dohot si
Josua, jala jongjong nasida di bagasan undungundung parluhutan i.” Tona ni
Debata tu bangso Israel dipasahat tu si Musa dohot tu si Josua di bagasan
undungundung parluhutan. Holan tu nasida nadua do hata on didok Debata, dung i
nasida ma muse patolhasonsa tu bangso Israel. Angka aha tona ni Debata tu
bangso Israel na huhut gabe tona tu angka na porsea ?
ü
Parjolo, bangko mardebata
sileban jala manadingkon Debata (ay. 16, 20). Ndang sahat dope bangso i di tano
Kanaan alai nunga dipabotohon Debata na ingkon marbalik do bangso Israel sian
Jahowa. Dung sonang ngolu nasida, sonang mangan jala pola mokmohan, gabe lupa
ma nasida haduan ise na mamboan nasida tu tano Kanaan. Diihuthon nasida ma
angka bangso humaliang i, i ma manomba debata sileban. Ramalan do on ? Ndang
apala tardok hita na ramalan on, ai na tangkas do ditanda Debata bangso i.
Saleleng di parhorsihan tung mura do nasida marbalik sian Debata. Holan hurang
saotik sipanganon pintor marungutungut ; di na nangkok si Musa tu dolok Horeb
manjalo Patik na sampulu i, pintor dibahen nasida do ganaganaan. Gombaran ni
bangso Israel i ma bangso na so satia.
ü
Paduahon, rimas dohot uhum ni
Debata tu angka na mardebata sileban (ay. 17-18, 21). Ala bangso na tarpillit
do bangso Israel, gabe so uhumon ni Debata ma nasida molo manimbil sian Debata
? Tong do ingkon uhumon ni Debata nasida. Koras do Hata ni Debata di turpuk on
manggombarhon uhum tu angka na mardebata sileban songon na tarsurat di ay. 17,
“Jadi marsigorgor ma rimasHu di ari
na sasada i mida nasida, jala tadingkononKu ma nasida, jala padaoonKu ma BohingKu sian nasida, asa suda nasida marhinamago. Ia dung
mangonai tu nasida angka hinamago godang dohot hagogotan marragamragam,
dohononna ma di ari na sasada i, Nda manginona do angka hinamago on tu ahu, ala
so di tongatongaku Debatangku ?” Sian ay. 17 on boi taida hinabalga ni muruk ni
Debata tu angka na mardebata sileban, pola dipangke hata “marsigorgor rimas,
padaohon Bohi, suda hinamago.” Nda tolu hata on manggombarhon songon dia borat
ni uhum ni Debata. Boasa songon i rimas ni Debata mida angka na mardebata
sileban, mida angka na maninggalhon Ibana ? Ala nunga jumolo dipatuduhon Debata
holongNa dohot panghophoponNa ; ala nunga dipaingot Debata nasida marhite Patik
Parjolo dohot Paduahon, dung i muse marhite turpuk on, jadi nunga adong
sipaingot. Ditogu Debata do nasida sian parhatobanon Misir, diondingi nasida di
parhorsihan, dilehon nasida mangan dohot minum ; nunga diihot Debata padanNa tu
bangso i ; ala ni i molo manimbil nasida, tontu tarrimas Debata.
ü
Patoluhon, surathon ende on,
ajarhon, memehon (ay. 19, 21 -22). Dung dipatorang Debata uhum na ingkon
sijaloon ni manang ise na mardebata sileban, dipaingot Debata ma muse si Musa
asa disurathon lumbalumba on gabe ende. Didok di ay, 19, “Nuaeng pe surathon hamu ma di hamu ende on, jala ajarhon ma i tu halak Israel jala memehon tu bagasan pamangannasida, asa
ende on gabe sitindangi di Ahu dompak halak Israel.” Debata sandiri do na
marsuru si Musa asa dibahen pangajaranna on marrumanghon ende ; molo marrumang
ende ummura diingot, ummura diajarhon jala dimemehon. I do umbahen, angka
parsiajaran di singkola pe adong do na dibahen marrumanghon ende asa ummura
diingot angka parsingkola. Tontu, molo tung pe ende i marisihon uhum, ndada na
mandok na ingkon hona uhum bangso i ; alai holan singotsingot do i asa unang
madabu nasida tu uhum. Molo diboto nasida uhum do jambar ni angka na mardebata
sileban, tontu ndang olo nasida mardebata sileban. Ende on gabe poda sipaingot
tu nasida. Dia do na naeng dohonon Hata ni Debat tu hita asa boi
tahangoluhon di bagasan parngoluonta siganup ari ?
v
Adong do tahe bangkonta songon bangko ni bangso
Israel on ? Nunga godang tajalo na denggan sian Debata, alai ra mura hita
manarita dohot manimbil sian poda di Hata ni Debata. Situasi sisaonari na
taadopi on menuntut hita nuaeng, pintor songon bangso Israel i do hita mangolu
di bagasan parungutunguton ujungna manimbil sian dalan ni Tuhan i, manang na
sai tongtong do hita di bagasan tingki on marningot angka hinadenggan ni
pamabahenan ni Debata naung tajalo, na Debata do sumarihon ngolunta ro di di
tingki on ? Alani do umbahen ingkon tongtong ma hita marbenget ni roha di
bagasan haporseaon na polin pasahathon pardalanan ni ngolunta on tu Debata. Di
tingki on ma na pinasahat ni Tuhan i tu hita laho mananda di asi dohot holongNa
na manongtong i, marhite i ma hita pasahathon ende pujipujionta pasangaphon
hamuliaonNa. Jala unang ma hita marbalik tu ‘debata sileban’ na di portibi on,
ima mangasahon hagogoonta, mangasahon haadonganta (harta), mangasahon
hamaloonta.
v
Holan tu bangso Israel do Debata marasiniroha
dohot marpadan ? Ndang ! Dohot do nang tu hita. Godang tongon angka na denggan
naung tajalo sian Debata umbahen mangolu jala hipas hita sahat tu tingki on.
Godang tongon ragam ni hamaolon naung tabolus jala tahamonangahon, tarlumobi
diigil dope di hita di tingki on asa boi hita manghamonanghon situasi na
merebaknya pandemi Covid 19 on marhite na rap hita dohot Ibana mamolus ragam
situasi na maol jala na so lazim on. Alani, molo olo dope hita mardebata
sileban, nda patut ma tarrimas Debata ? Nda patut marsigorgor muruk ni Debata
molo marbalik hita sian Ibana naung manarihon jala manobus hita ?
v
Godang do ende na lomo rohanta mambege jala
mangendehon. Deba laho pasonang pingkiran marhite ende sekuler, jala ndang
apala sala i. Alai na tinaringotan di turpuk on i ma ende na mangalumbahon asa
unang lalu rimas ni Debata. Alani, tahangoluhon ma tongtong angka partangiangon
di ganup keluarganta be. Tuhan Jesus ma mamasumasu hita saluhutna. Amen.
07. MARENDE : BE. HKBP. NO. 569 : 1 - 2 “O DEBATA TUNG LONGANG”
1. O Debata tung longang do rohangku, Molo hubereng na tinompaMi,
Saluhut bintang, hilap
dohot ronggur, manghatindanghon
hasangaponMi,
Reef: Marende au Tuhan mamuji Ho. O, Debata,
sangap do Ho.
Marende au Tuhan mamuji Ho. O, Debata, sangap do
Ho.
2. Di ladang di adaran dohot tombak, Marende
pidong tung mansai sonang
Punsu ni dolok, sunge
dohot rura, Mamaritahon sangapMi Tuhan.
Marende au ………
08. TANGIANG PANGONDIANON
09. MARENDE : BE. HKBP No: 268:
1- 2 DEBATANGKU DO DONGANKU BL. 127
1. Debatangku
do donganku Ganup ari ganup taon. TumpahanNa do langkangku urupanNa au manaon. Pos do rohangki disi Debata do
donganki Salelenglelengna i.
2. Debatangku
do donganku Nang pe marsitaonon au. Ai
Ibana do Amangku Anak haholongan au. Pos do rohangki disi Debata do donganki
Salelenglelengna i.
10. TANGIANG PELEAN, ALE AMANAMI,
PASUPASUPASU, ENDE PANGUJUNGI
P : Tatangianghon
ma peleanta, martangiang ma hita. Ale Debata, Amanami na di banua ginjang, Ho
do haroroan ni saluhut silehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, peleannami tu Ho. Sai jalo ma i
gabe uap na hushus di joloM. Pasupasu ma i jala ramoti asa huparhaseang hami
pelean on, patimbulhon harajaonMu di tongatonga ni HuriaM dohot di portibi on.
Buhai ma rohanami marhitehite TondiM, asa lam hutanda hami godang ni
silehonlehonMi tu hami, asa lam girgir hami mandok mauliate tu Ho, marhitehite
Jesus Kristus Tuhannami. Amen. Rap ma hita mandok di Tangiang Ale Amanami ... (Molo parhalado partohononan jumolo ma mandok
Tangiang Pasupasu). Alai molo ndang langsung ma mangendehon :
K : (MANGENDEHON) BE.
HKBP. NO. 36 : 3 “PASUPASU HAMI”
3)
Amen hudok hami, ale Tuhannami ; na marasi roha i, sangap ma di goarMi.
Komentar
Posting Komentar