Langsung ke konten utama

(24). PARTONDING NI ACARA PARMINGGUON - 26 APRIL 2020


PARTORDING NI PARMINGGUON 
DI MINGGU MISERICORDIAS DOMINI
(Psalmen 33: 5b)

     Ev: Rom 3  : 1 – 8                                                 Ep: 4 Musa 14  : 17 – 19  

TOPIK:
HASATIAON NI DEBATA


HURIA KRISTEN BATAK PROTESTAN

26  APRIL 2020
I.     PARHOBASON:
1.       Partangiangan on ni uluhon ni Ama manang Ina.
2.       Diaturhon ma na mamboanhon tangiang pangondianan
3.       Diparade hian ma inganan ni pelean.
II.     PARMINGGUON:
1.      JOUJOU TU PARSOMBAON:
U   :  Hamuna angka dongan na hinaholongan, sadarion nunga sahat hita tu minggu MISERICORDIAS DOMINI, Lapatanna Gok asi ni roha ni Jahowa do tano on. (Psalmen 33 : 5b) Antong, hita angka na porsea di Tuhanta i, sai tongtong ma hita manghirim di asi ni roha ni Debata, lumobi ma di hamamasa ni covid-19 na sai tongtong dope maotmaot humaliang hita. Tapapos ma rohanta huhut manghirim tu asi ni roha ni Debata.
R   :  Sai dihalungunhon rohanami do Jahowa, Ibana do panumpahi dohot lombulombunami.
U   :  Marolopolop ma hamu, ale angka partigor, mangasahon Jahowa, talup do marende angka na unjur marroha. Ai na sintong do hata ni Jahowa, jala marhaburjuon do sude pambahenanNa. Ai mangkuling Ibana, gabe manjadi do, mandokhon do Ibana, jadi jongjong ma.
R   :  Ai mangasahon Ibana marlas ni roha do hami, marhaposan tu goarNa na badia i do hami.
U   :  Ida ma, sai nolnol do mata ni Jahowa tu angka na mangkabiari Ibana, angka na mangkalungunhon asi ni rohaNa. Asa dipalua tondinasida sian hamatean, jala dipangolu nasida di haleon.
R   :  Sai pasonggop ma asi ni rohaM tu hami, ale Jahowa, hombar tu pangkalungunhonnami di Ho.
U   :  Antong hamu na hinaholongan, beta ma hita marsomba laho mamuji dohot pasangaphon Tuhanta. Ro ma hita angka na manghalungunhon di asi ni roha ni Debata. Marende ma hita:
2.      Marende BE No. 467 : 1,3     “Asi Ni Roham Hupuji”  
v  Asi ni rohaM hupuji ala Ho manobus au.
Dipaias Ho rohangku gabe soranganMu au.
IngananMu rohanami, TondiMi manggohi i.
Pangke dohot ngolunami gabe ulaulaMi.
v  Naeng huhatindanghon hami hagogoonMi tongtong.
Paluahon na mardosa, nang parjahat na bolong.
IngananMu….
3.      VOTUM – introitus – tangiang:
U   :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on. Amen. (Parhalado partohonan).
U   :  Gok asi ni roha ni Jahowa do tano on. Marhitehite Hata ni Jahowa do manjadi angka langit. Marolopolop ma hamu ale angka partigor, mangasahon Jahowa, talup do marende angka na unjur marroha.  Haleluya!
R   :               (Mangendehon): Haleluya, Haleluya, Haleluya!
U   :  Martangiang ma hita:  Ale Tuhan Debata, Parasiroha na sumurung! Didok HataM do, ingkon manaon hami jala mate rap dohot Tuhan Jesus Kristus, asa rap hami dohot Ibana tu hasangapon. Sai parrohai ma hami, asa unduk hami tu lomo ni rohaM jala hot hami di haporseaon na ture asa tongtong mangkirim di haheheon dohot di hasangapon sogot silehononMu tu angka na porsea di Ho. Amen.
4.      Marende BE No. 716 : 1    “Di Na Mamolus Sandok Ngolu On”
v  Di na mamolus sandok ngolu on, gok do na marsak gale.
Boan sinondang tu na holom i, asa margogo muse.
Bahen ma ahu parhiteanMu pasupasuM mabaor ma i
Ale Tuhanku, patupa ma au baen pasupasu tu dongan sude
5.      Patik: 
U   :  Patik ni Debata sihangoluhonta di minggu Misericordias Domini sadari on dienaet sian Epesus 4 : 32. Alai gabe na basar ma hamu sama hamu, angka parasiroha, masisesaan dosa ma hamu, songon panesa ni Debata di dosamuna di bagasan Kristus.  
         Antong rap mangido gogo ma hita sian Tuhan Debata.
R   :  Ale Tuhan Debata, sai pargogoi ma hami mangulahon na hombar tu PatikMi. Amen.
6.      Marende BE No. 180 : 1 + 4     “Ro Tu Jesus Ho Na Loja”  
v  Ro tu Jesus ho naloja, na maheu i
Lam lumbang do di lambungNa rohami
v  Apulapul sae ni dosa hangoluanmi
Saluhut dilehon Jesus tuami


7.      TANGIANG pangidoan dohot BAGABAGA NI DEBATA:
U :  Ale Tuhan Debata, na gok asi ni roha. Amanami, Parasiroha na sumurung. Na jumadihon angka langit dohot nasa isi ni portibi on. Na sai marnida angka na manghabiari Ho dohot angka na manghalungunhon asi ni rohaM. Na pungu do hami di joloM martangiang tu Ho; Ndada mangasahon hatigorannami, na mangasahon asi ni rohaM na godang i do. Sai pasonggop ma asi ni rohaM tu hami, ale Jahowa, hombar tu pangkalungunhonnami di Ho.
R :  Ale Tuhan na gok asi ni roha, sai pasonggop ma asi ni rohaM tu hami.
U :  Ale Tuhan na gok asi ni roha. Sai sungguli ma rohanami, asa sai ingot rohanami di asi ni rohaM na manggohi sandok portibi on. Di ida Ho do na masa di hami, na sai tongtong dope masa mara hinorhon ni Covid-19 on. Nunga tung godang dongannami na marsahit, songoni dohot naung marujung ngolu. Ale Tuhan, sai asi ma rohaM, salpuhon ma Covid-19 on sian sandok portibi on, asa tung sonang hami mangula ulaonnami, jala asa tarbahen hami mamuji Ho rap dohot sandok dongannami di tonga ni huriaM nabadia i.
R :  Ale Tuhan na gok asi ni roha, sai pasonggop ma asi ni rohaM tu hami.
U :  Ale Tuhan na gok asi ni roha. Godang do dongannami na marsitaonon ala ingkon sundat mangula ulaon di duru ni bagas gabe mampangkorhon tu ngolu si ganup ari. Mabiar do hami Tuhan gabe godang ma na so boi mulaulaon jala gabe ndang denggan ekonomi ni masyarakat. Tatap ma hami ale Tuhan jala unang loas mandele nanggo sada sian hami jala patongon ma asi ni rohaM di hami.
R :  Ale Tuhan na gok asi ni roha, sai pasonggop ma asi ni rohaM tu hami.
U :                  Ale Tuhan na gok asi ni roha. Tatap ma nang pamarentanami asa disondangi asi ni rohaM laho manggomgomi rakyatna tarlumobi di na mangotapi Covid-19 on. Sai tumpahi ma ulaon ni paramedis jala padao nasida sian parsahiton. Pamalum ma angka na marsahit. Tumibu ma salpuhon mara ala Covid-19 on sian ngolunami nang sian portibi on.
R :  Ale Tuhan na gok asi ni roha, sai pasonggop ma asi ni rohaM tu hami.
U :  Ale Tuhan na gok asi ni roha. Tatap ma huriaM na so boi dope marpungu di gareja laho mamuji dohot pasangaphon Ho. Sungguli rohanami asa tongtong ringgas mamuji dohot pasangaphon Ho nang sian tonga ni bagasnami be. Urupi sude parhaladoM asa sai manongtong nasida marsitutu patupa panghobasion maradophon ruas ni huriaM.
R :  Ale Tuhan na gok asi ni roha, asi rohaM di hami jala sesa ma dosanami.
U :                  Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho; ndada mangasahon hatigorannami, na mangasahon asi ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, Sipangolu hami. Amen.
R :  (Mangendehon): BE No. 736 : 5    “Jesus Haposanku-2”
v  Jesus do Tuhanhu parsigantunganhu.
Jesus do ojahan ni haporseaon.
Ndada au tahutan nang di parmaraan.
Jesus do Tuhanhu parsigantunganhu.
Ndada au tahutan nang di parmaraan.
Jesus do Tuhanhu parsigantunganhu.
U :                  Bagabaga ni Debata : Songon on do Hata ni Tuhan Jesus: Ro ma hamu tu Ahu, hamu angka na loja jala na sorat, hupasonang pe hamu. Buat hamu ma augangKu tu hamu, guruhon hamu ma sian Ahu, ai na lambok do Ahu jala na serep marroha, asa dapotan hasonangan tondimuna. Ai lambok do augangKu jala neang do dohot na hupaporsanhon.  Hasangapon ma di Debata na di ginjang!
R :  Amen.
8.      Marende BE No. 428 : 3     “Ho Na Loja Ho Nasorat”
v  Ala ni padao arsakmu hot ma tiop Tuhanmi.
Tu na denggan do ditogu saluhut na masa i.
Unang ganggu rohamuna di pandok ni Debatam.
PasautonNa bagabaga, pos roham di Debatam.
9.      E p i s t e l:
U   : Hata ni Debata turpuk di minggu Misericordias Domini on, ima na tarsurat di  4 Musa 14 : 17 – 19. Nuaeng pe, sai marmulia ma gogo ni Tuhan i songon naung nidok ni hataM, ai nimmu do: Na lambas do roha ni Jahowa jala parasi roha godang, na marpamuati do rohaNa mida hajahaton dohot pangalaosion, alai ndang loasonNa malua sian uhum anggo halak parsala,
R   :  sai na luluhononNa do hajahaton ni amaama tu angka anakna ro di sundut patoluhon dohot paopathon.
U   :  Antong sai marpamuati ma rohaM mida hajahaton ni bangsoM, hombar tu hinagodang ni asi ni rohaM, ala naung sapala marpamuati rohaM mida bangsoM olat ni Misir dope rasirasa nuaeng. Ima sahatna. Martua ma angka na tumangihon Hata ni Debata jala na umpeopsa. Amen.
10. Marende BE No. 403 : 1 “Pos Rohangku Di Tuhanhu”
v  Pos rohangku di Tuhanhu, ndang tarbaen tarhirim au.
On do tongtong tangianghu, tu lambungMu au patau.
Lobi pos do rohangki, sai patulusonna i, boanonNa au tusi.
11. MANGHATINDANGHON HAPORSEAON:
U   :  Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:
R   :  Ahu Porsea…..
12.   Marende BE No. 487 : 2    “Tung Halak Na Margogo”
v  Nang hirahira mogap dibaen sitaonon i.
Marsinggang do ibana managam Tuhan i.
Dung jumpang pe tingkina sumurut arsak i.
Tarapul ma rohana dibaen Tuhanna i.
13.   TANGIANG PANGONDIANON:
14.    Marende BE No. 206 : 3 – 4    “Na Dison Do Au Tuhanhu”
v  Ndang adong pangidoanhu dungkon asi ni rohaM.
Na dilehon Ho Tuhanhu, tu na unduk di hataM.
RohaMi ma tu rohangku, sai pasauthon ma hataM.
v  Ho do mata ni aringku, halalas ni rohangki.
Na masihol do tondingku di Ho Jesus, Tuhanhi.
RohaMi ma tu rohangku, asa sabam rohangki.
15.    JAMITA: Rom 3 : 1 - 8
16.   Marende BE No. 216 : 1 – 2 “Gargar Dolok Tapor Batu” ( Pelean I tu Huria; Pelean II tu Hatopan)
v  Gargar dolok tapor batu, ndang na gargar asi ni
roha sian Debatangku, sai na hot padanNa i.
Asi ni rohangku do ndang na munsat sian ho.
v  Na nidok ni Debatangku patut huundukhon i.
Sai mangolu do tondingku molo huihuthon i.
Asi ni rohangku do ndang na munsat sian ho.
17.   PANGUJUNGI:
U   :   Ale Amanami na gok asi ni roha di Ho ma pujipujian dohot hasangapon. Sai rajai ma marhitehite Tondi Parbadia saluhut Huria ni halak Kristen, asa mian di hami poda na pinodahon ni HataM. Sai patogu ma haporseaon ni angka na porsea di Ho, asa lam diboto mangihuthon HataM, jala asa lam ditanda be hangoluan na sian Ho i. Pasupasu ma Pamarenta rap dohot angka donganna na gumomgom hami, sai lehon ma tu nasida hapistaran na sian Ho i, asa diboto mangaturhon aturan na denggan na tau pasangaphon GoarMu. Pasupasu ma sandok Huria dohot angka ulaon na masa disi. Pasupasu ma sasudena ama, ina, angka dolidoli dohot anakboru ro di dakdanak, angka na marsikola mangguruhon HataM.
R   :   Tuhan na gok asi ni roha pinuji ma goarMu.
U   :   Angkup ni i sai pagabe ma saluhut na niula, jala sai padao ma nasa na tau mangago hami. Sai unang ma sega hauma, binahen ni aek magodang manang ambolas dohot antingango manang sirara. Asi ma rohaM, ale Tuhan Jahowa, sai lehon ma udan dohot las niari  paremean tu haumanami hombar tu asi ni rohaM dohot denggan ni basaM.
R   :   Tuhan na gok asi ni roha pinuji ma goarMu.
U   :   Asi ma rohaM di hami, sai tatap ma hami hinorhon ni denggan ni basaM, sai  unang uhumi hami hombar tu murukMu. Asi ma rohaM di saluhut na mabalu dohot di angka dakdanak na sopot so marama so marina. Tatap ma saluhut na pogos, na marsahit ro di angka na naeng mate dohot na marsak binahen ni soro ni ari. Ho ma ale Tuhan Jahowa, ama nasida dohot pangondianna, ai Ho do Sipangolu hajolmaon. Antong sai padungo ma hami sasudena, asa unang dipaotooto sibolis hami. Alai pamonang ma hami maralohon rohanami na jahat i, asa tarpabongot Ho hami tu harajaonMu na di banua ginjang i. Sai oloi ma pangidoannami, ale Tuhan Jahowa, marhitehite Tuhan Jesus Kristus, Tuhannami, na tarpuji rap dohot Ho dohot Tondi Parbadia ro di saleleng ni lelengna. Amen.
R    :   (Mangendehon) BE No. 714 : 2    “Tuhan Na Marmahan Hami”
v  Tuhan parmahan haposan, dongan na sumurung i.
Sai padao pangunjunan, togu ma na lilu i.
Tuhan Jesus Sipalua pasupasu ruasMi.
Tuhan Jesus Siparmahan pasupasu ruasMi.
U   :  Tatangianghon ma peleanta: Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni huriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. AMEN
R   :  (Mangendehon) BE No. 204 : 2 “Ndang Tadingkononhu Ho”
v Nasa na nilehonMi, tondi ro di pamatanghu.
Hosa dohot gogongki, ro di saluhut artangku.
Hupasahat i tu Ho, na so unsatonhu do.
U   :  Ale Amanami na di banua ginajang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!
R   :  (Mangendehon):
         Ai Ho do nampuna harajaon dohot hagogoon ro di hasangapon saleleng ni lelengna. Amen!
U   :  Pasupasu ! (Parhalado Partohonan).
R   :  (Mangendehon) Amen, Amen, Amen.
Label:

Komentar

Posting Komentar

Postingan populer dari blog ini

(55). TATA IBADAH PARTANGIANGAN KELUARGA - RABU, 01 JULI 2020

PARTORDING PARTANGIANGAN KELUARGA/SEKTOR (KHUSUS) MENYIKAPI SITUASI “ PHYSICAL DISTANCING ” MEMBERANTAS PENYEBARAN CORONAVIRUS DISEASES – 19 (COVID – 19) HKBP PETUARAN RESSORT PERBAUNGAN RABU, 0 1 JULI   2020                       PUKUL 19:30 WIB   P A N G A R A D E O N -           Paradehon Buku Ende, Bibel,   tarlumobi roha di bagasan haporseaon di Tuhan Jesus Kristus 01.   MARENDE : BE. HKBP. NO. 36 : 1 + 3              “PASUPASU HAMI” 1.    Pasu pasu hami O Debata nami       Sai sondangkon bohiMi Tu na pungu on sude 2.    Lehon ma di hami Dame ganup ari       Sai pasaor ma   TondiMi Tu na pungu on sude. 02.    VOTUM – INTROITUS - TANGIANG P : ...
Posting Komentar
Baca selengkapnya

(60).TATA IBADAH ACARA ULANG TAHUN GEREJA HKBP PETUARAN KE - 62 - TGL. 26 JULI 2020

HURIA KRISTEN BATAK PROTESTAN – HKBP Pengakuan Pemerintah 11 Juni 1931 No. 48, Staatsblad Thn. 1932 No. 360. Pengakuan Ulang Pemerintah RI. Cq Dep. Agama RI. No. 33 Tgl. 6 Feb 1988   HKBP PETUARAN   Ressort Perbaungan Distrik XXIX Deli Serdang Kel. Petuaran Hulu, Kec. Pengajahan, Kab. Serdang Bedagai     TATA IBADAH MINGGU V II DUNG TRINITATIS Ev: Johanes 13 : 31 – 35                      Ep: Imamat 19 : 9 – 18 TOPIK KASIH SEBAGAI PERINTAH BARU HURIA KRISTEN BATAK PROTESTAN   HKBP PE TUARAN – RESSORT PERBAUNGAN MINGGU 26 JULI 2020 0 1 . Marende BE No. 569 : 1,3 “ O DEBATA TUNG LONGANG DO ROHANGKU ” v O Debata tung longang do rohangku, m olo hubereng na tinompaMi, Saluhut bintang, hilap dohot ronggur,manghatindanghon hasangaponMi, Marende au Tuhan mamuji Ho, O Debata, sangap do Ho. Marende au Tuhan mamuji Ho , O Debata...
Posting Komentar
Baca selengkapnya

(81). PARTURE NI ACARA MINGGU UJUNG TAON PARHURIAON 22 NOVEMBER 2020

  PART ORDING NI PARMINGGUON   DI MINGGU UJUNG TAON PARHURIAON ( PARNINGOTAN DI ANGKA NAUNG MONDING )                    Ev. Mateus 25 : 31 - 46                      Ep. Hesekiel 34 : 1 1 - 16   TOPIK :   ARI UHUM SOGOT   HURIA KRISTEN BATAK PROTESTAN   Minggu, 22 Nopember 2020   01.   P AMUHAI U    :   Horas jala selamat ari Minggu ma di hamuna angka dongan na hinaholongan ni Tuhanta. Nunga bongot hita sadari on tu Minggu Ujung Taon Parhuriaon. Laos di Minggu sadari on do hita marningot   angka donganta ruas ni huria naung monding dibagasan na sataon parhuriaon on. Antong aha ma sidohononta taringot tusi ? R    :   Martingki be do luhutna na tinompa. Martiti be do huhut nasa sangkapsangkap di has...
Posting Komentar
Baca selengkapnya