(26). SURAT HIMBAUAN KEEMPAT PRAESES HKBP DISTRIK XXIX DELISERDANG

Lubuk Pakam, 01 Mei 2020

No.      : 12/SP/D-XXIX/V/2020

Hal      : Soso taringot tu Covid-19

Lamp. : -

Mandapothon Nahinormatan :

1.      Sude Pandita Ressort

2.      Sude Uluan ni Huria

3.      Sude Pangula na gok tikki

4.      Ruas

Sa-Distrik XXIX Deli Serdang

Di :

Ingananna be

Tabe di hamu dibaagasan goar ni Tuhanta Jesus Kristus.

Dibagasan pos ni roha tu Tuhanta, di bagasan hahipason do hita saluhutna ruas ni hurianta HKBP na di Distrik XXIX Deli Serdang on. Rap do hita nuang mangadopi mara (Wabah) Covid-19 on, na manegai angka ruhut-ruhut ni hajolmaon, pardagingon, social, ekonomi, nang partondion na patubu ragam ni arsoalan di hita. Alai songon halak na porsea asa ingkon pos do rohanta dipandonganion ni Debata, jala dibagasan asi ni rohaNa marujung mara on.

Sauduran do hita dohot pamarenta laho mamutus hararat ni sahit on, hurianta tongtong ma gabe pangurui di sude usaha na pinatua ni pamarenta dalan laho mangalo sahit dohot manuhuk angka boban hinorhon ni sahit Covid-19 on. Siala ni I sosoannami do hita tu saluhutna, asa :

1.      Lam tapahibul ma tangiang nang pos ni rohanta tu Debata asa hot asi ni rohaNa mandongani hita.

2.  Tinggil ma hita tumangihon angka tugas na pinasahat ni pamarenta nang hurianta. Jamot ma hita umbege angka barita, unang parsidohot hita mangihuthon manang mambaritahon angka barita-barita Hoax, manang surata agong. Ai di partingkian ni songon on tung mansai godang do halak na naeng mangahut tu dirina, angka nan i rajaan ni si bolis.

3.      Parmingguon di ari Minggu, 03 Mei 2020, dohot Minggu, 10 Mei 2020 dohot Minggu 17 Mei 2020, dohot Kamis 21 Mei 2020 (Parningotan hananaenk ni Tuhanta Jesus Kristus), hot ma jo dipatua di bagas ni ruas marsadasada.

4.      Asa ganup huria patupahon Diakonia Sosial, hombar tu kemampuan ni huria, mangurupi ruas na pogos nang na humaliang. Mauliate ma di angka huria naung patupa Diakoni Sosial siala ni Covid-19 on, alai unang marnaloja hita mangurupi molo tung tarbaen dope.

Songon I ma pinasahat tu hamu saluhutna Pandita, Uluan ni Huria Parhalado na gok tikki dohot sude ruas ni HKBP Distrik XXIX Deli Serdang on. Sai dilehon Tuhanta ma di hita hahipason jala tongtong ma hita marsihohot di bagasan panghirimon tu Tuhanta pardenggan basa I, di nasa panghobasionta.

Tabe mardongan tangiang,

HKBP Distrik XXIX Deli Serdang

Praeses,

Dtd

Pdt. Same Siahaan, S.Th

Tembusan :

1.      Ephorus HKBP (Laporan)

2.      MSD/Kabid/MPS Distrik XXIX DS

3.     Pertinggal