(17). PARTURE ACARA PARMINGGUON PASKAH I

 PARTURENA PARMINGGUON PASKAH I 

PARNINGOTAN ARI HAHEHEON NI TUHAN JESUS

HKBP PETUARAN RESSORT PERBAUNGAN

DISTRIK XXIX DELI SERDANG

& Ev: Mateus 28 : 1 - 10               & Ep: Johanes  11 : 25 - 27

TOPIK:” HUASO NI HAHEHEON NI JESUS”

  

HURIA KRISTEN BATAK PROTESTAN

MINGGU, 12 April 2020

I.      PARHOBASON:

1.       Jumolo ma asa di parsiajari angka Ende

2.       Diparade hian ma inganan ni pelean.

1.        JOUJOU TU PAMUJION: U : Uluan                K : Keluarga      S : Sude

U: Hamuna dongan sahuria, na marpungu do hita ari Minggu sadari on di tonga ni Keluarganta, marningot dohot manghalashon denggan basa ni Jahowa naung pinasatNa tu hita saluhutna, ai dilehon do AnakNa na sasada i gabe pelean pardengganan pasaehon dosanta.

K: Hupuji hami ma Ho Tuhan marhite pesta Paskah sadari on, ala nunga monang Ho maralohon huaso ni hamatean i. HamonanganMi ale Jesus gabe hamonangan nang di hami.

U: Tapaserepma dirinta diadopan ni Debata, ai na Badia do Ibana jala pargogo naso hatudosan, siboto nasa na adong di bagasan rohanta, alani tapuji ma Ibana dibagasan habadiaonai na Badia do Ibana.

K: Hupaserep hami  ma dirinami marsomba di jolo ni habadiaonMi, sai jangkon ma hami asa marolopolop daging nang tondinami.

U: Antong rap ma hita mamuji pasangaphon Tuhan i, marende ma hita :

Marende BE No. 93:1 - 3 ” Pesta Paska Hatuaon  ” BL. 94              

      ♫♪♫ Pesta Paska hatuaon, Pesta Paska haluaon,

            Sian hamatean i, sian hamatean i

            Tuhan Jesus do pasuang, hangoluan, hasonangan, tu saluhut jolma i.

            ♫♪♫ Talu ho banuatoru ndang tarbahen tiopanmu

                  Raja Sipangolu i,  Raja Siparngolu i

                  Hamatean, hamagoan na so pola habiaran, nunga talu i sude.

2. VOTUM – INTROITUS

U  :    Marhitehite goar ni Debata Ama dohot Goar ni AnakNa Tuhan Jesus Kristus, dohot Goar ni Tondi Porbadia na tumompa langit dohot tano on.

K  :    A m e n !

U  :    Unang  ho mabiar, Ahu do bonana dohot ujungna. Na mangolu do, jala naung mate do Ahu najolo, jala ida ma, Ahu do na mangolu ro di saleleng ni lelengna, jala di Ahu do anakhinsu ni banua toru dohot hamatean. Haleluya!

K  :    (Mangendehon) : “ Haleluya !  Haleluya ! Haleluya!

U  :    Haleluya! Di Tuhan Debatanta i do hatuaon dohot hasangapon dohot hamuliaon dohot hagogoon. Na pahehehon Tuhan Jesus, i do na pahehehon dohot hita sogot Ala ni Tuhan Jesus

K  :    Haleluya! Nunga tutu hehe Jesus i! Ari on do na jinadihon ni Jahowa tu hita, marolopolop jala marlas ni roha ma hita disi.!

U  :    Batu naung binolongkon ni angka pande bagas, i ma gabe batu parsuhi. Pinamasa ni Jahowa do i, halongangan do i anggo di matanta. Haleluya!

          Martangiang ma hita : Ale Tuhan Jesus Tuhannami! Mandok mauliate do hami disiala nunga ditaluhon Ho be hamatean i mathite hamamateM. Nunga disondangi Ho be ngolunami gabe marpanghirimon na mangolu hami di haheheonMu. Ndang huhabiari hami be hamatean, ala naung dipaunsat Ho hami sian haholomon tu hatiuron, sian hamatean tu hangoluan. Dibahen i sai lehon ma dihami gogo asa sai tongtong  tarpatupa hami nasa pamujion dohot asa boi pasidohot hami taruli di hagogoon sahat ro di hangoluan na so ra suda. 

S   :      A m e n!

3. Marende BE. No.94:1-2   “Ale Tondingku Naung Hehe” 

        ^♫♪♫  Ale tondingku naung hehe Tuhanmu, nunga ditaban do banua toru

             Las ma roham ai matua ma ho, rap dohot Jesus mangolu ma ho

             Rap dohot Jesus mangolu ma ho.

             ^♫♪♫ Talu sibolis dibahen Tuhanta, nang hamatean, nang dosa sudena.

Sai dihalashon rohanta ma i, pangoluonNa do hita sude

PangoluonNa do hita sude.

4. PATIK

U  :  Patik ni Debata di Pesta Parjolo Haheheon ni Tuhan Jesus Kristus tarsurat di Surat ni Apostel Paulus tu huria : Roma 1: 16 - 17. Songon on ma didok disi : Ai ndang na huhailahon barita na uli i, ai hagogoon ni Debata do i paluahon nasa na porsea, halak Jahudi jumolo, dung i dohot do halak Junani.

R  : Ai dipapatar do disi hatigoran ni Debata, na sian haporseaon tu haporseaon, hombar tu na tarsurat hian: "Na mangolu do partigor i hinorhon ni haporseaonna!"

U  : Songon i ma sahatna . Antong rap mangido gogo ma hita tu Tuhanta laho mangulahon na hombar tu patikNa i.

S   : Ale Tuhan Debata sai pargogoi ma hami mangulahon na hombar tu patik Mi. Amen!

5.  Marende BE. No.93: 1-2 “PESTA PASKAH HATUAON” 

      ^♫♪♫ Pesta Paska hatuaon, pesta paska haluaon sian hamatean i

      Sian hamatean, Tuhan Jesus do pasuang, hangoluan hasonangan

      Tu saluhut jolma i.

                     ^♫♪♫ Talu ho banua toru, ndang tarbahen tiopanmu Raja sipangolu i

        Raja sipangolu i. Hamatean hamagoan na so pola habiaran;

        Nunga talu i sude

6.     MANOPOTI DOSA

U:   Mardosa do hita tu Debata di ganup ulaonta. Mardosa di pangalaho, mardosa hita di hata nang  di pingkiran. Saluhut hadirionta tung mardosa do. Dibaheni tapaserep ma rohanta, martangiang ma hita mangido hesesaan ni dosanta:

      Ale Debata Jahowa, di na hubolus hami ariari ni ngolunami di portibion, huadopi hami angka hamaolon dohot parungkilon.

K:   Jotjot do hami ndang marhaposan tu Ho, holan gogo dohot pingkirannami do na hupangasahon hami. Gabe jotjot ma hami madabu tu pandelean, ngolu na bobonosan, ngolu na tahutan ala so Ho hubahen hami haporusan dohot partanobatoan ni ngolunami.

U:   Ale Tuhan Jahowa,tatap ma hami natinobusMu, huauphon hami ma rohanami na tangkang i tu bagasan asi ni Roham, Patogu ma hami di bagasan hagogoonMi, Palua ma bangsonami dohot sandok portibion sian angka Parsahiton ma masa di tongatonga nami on.

K:   Ale Tuhan, asi ma roham di hami, sai lehon gogomi di hami asa tau hami muse mangaramoti angka jadijadianMu, unang hami manegai nasa natinompaMi, sai sesa ma dosa dohot halembaonnami.

U:   Ale Tuhan Debata, Amanami na di banuaginjang, ramun do hami di jolom, alai Ho do  patupahon hasesaan ni dosa di hami halak na dangol on, marhitehite Anak haholongan ni rohaM, sai palua ma hami sian gambo lisop ni dosa i, asa unang lonong hami. Songoni nang sian angka na manghosom hami. Sai asi ma rohaM di hami angka na mangarsakhon dosanami, sai unang tabunihon bohiM maradophon hami, ai hagogotan situtu do hami, hapogani ma mangalusi hami, jala sai patinggil ma pinggolMu ganup ari tumangihon anggukangguknami, asa tung malua situtu hami sian haramunon nami.

K:   Mangendehon BE No. 686:1   ”Ramun do au”

           ♫♪♫ Ramun do au dijoloMi, gok dosangki urasi au

        O, Jesus, Birubiru i, di son do au patau ma au.

U:   Tabege ma bagabaga ni Debata taringot tu hasesaan ni dosa. Molo tung adong manang ise na mardosa, adong do pangondianta di Ama i, I ma Tuhan Jesus Kristus na tigor roha i. jala Ibana do pardengganan taringot tu dosanta, alai ndada holan taringot tu dosanta, dohot do taringot tu dosa ni saluhut portibi on. Hasangapon ma di Debata na di ginjang.

U+K: Amen                                                                       

7.  Marende BE. N0. 355 : 1 “ Ro Ma Tu Jesus”  

^♫♪♫  Ro ma Tu Jesus ro ma tibu, bege hataNa janghon burju

       Na ro do Jesus Pangolu ho asal porsea ho.

       Mansai las rohanta i muse molo ias sian dosa pe

       Sai ro ma hita tu surgo i laos sonang ma disi.

8.  Epistel :  JOHANNES 11 : 25 – 27

U: Tabege ma Hata ni Debata turpuk Epistel di ari Minggu Paska I sadari on, i ma na tarsurat di Johanes 11 : 25 – 27 ,  “ dungi ninna Jesus ma mandok ibana, Ahu do haheheon dohot hangoluan; na mangolu do na porsea di Ahu, nang pe mate ibana”

K: Jala ganup na mangolu jala na porsea di Ahu, na so tupa mate ibana salelenglelengna, Porsea do ho disi?

U: Dung i di dok ma tu Ibana: ” Olo Tuhan na porsea do ahu : Ho do Kristus, Anak ni Debata, na naeng ro tu Portibi on”. I do sahat na. Martua do na tumangihon Hata ni Debata jala na umpeopsa.

U+K: Amen.

9.  Marende BE.No. 633: 1 - 2    “Nunga Hehe Kristus i”

 ^♫♪♫  Nunga hehe Kristus i haleluya...sian hamatean i haleluya.

parlangitan jouhon ma.           Haleluya tano on alusi ma haleluya.

^♫♪♫   Singkop panghophopNa i, Haleluya Gok hamonanganNa i, Haleluya

Sondang haluaon i, Haleluya. Patiur dalanta i, Haleluya 

10. MANGHANTINDANGHON HAPORSEAON

U  :    Tahatindanghon ma haporseaonta i songon na hinatindanghon ni doganta sahaporseaon di sandok portibi on rap ma hita mandok:

R     : Ahu Porsea di Debata Jahowa ......dst..Amen                  (hundul)

11.  TINGTING/ BOA BOA

Seraya berdoa, kita juga bisa menahan diri, sesuai dengan himbauan Pemerintah dan PGI, himbauan Ephorus dan Praeses HKBP Distrik XXIX Deliserdang untuk memutus rantai penyebaran Virus Corona (Covid 19) sampai selesai maka perlu disampaiakan beberapa hal:

1.  Dihimbau kepada seluruh jemaat tetap menjaga kesehatan sesuai dengan anjuran pelayanan kesehatan dan teruslah berdoa.

2. Himbauan agar tidak melaksanakan pulang kampung untuk merayakan Jumat Agung dan paskah di kampung halaman.

3.  Kegiatan Partangiangan dan Ibadah Minggu, sampai saat ini masih dilaksanakan di rumah masing masing dan lembaran acara partangiangan dibagikan kepada jemaat (boleh diterima dari Gereja) ataupun WA Group masing masing huria dan panduan melalui live Streaming langsung melalui Face Book dengan nama Freddin & Sofian Robert Lubis.

4. Untuk sementara warta keuangan hanya dibacakan, baiknya setelah dipastikan beribadah di gereja dilaksanakan maka warta keuangan di wartakan.

5.  Dalam setiap ibadah partangiangan dan Ibadah minggu di rumah masing-masing, persembahan  kita laksanakan setelah khotbah dan dilaksanakan hanya sekali, tanpa mengurangi makna dari persembahan IA,IB, dan persembahan ke 2 ke Pusat.

12.  Marende   BE. No. 632 : 1 - ... “Nunga Hehe Kristus”

1.                  Nunga hehe Kristus marsihohot ma hamu.

Lam sumurung hita diulaon ni Tuhanta

Hanta radot ma hita lao mangula Tuhanta

Radot ma hita mangula tu Tuhanta. Amen.

2.                  Nunga hehe Kristus marlas roha ma hamu.

Lam benget ma hita di sude parungkilonta.

Jugul ma hita martangiang tu Tuhanta,

Jugul ma hita martangiang tu Tuhanta.

13. KHOTBAH : Matius 28 : 1 – 10

“HUASO NI HAHEHEON NI TUHAN JESUS”

(KUASA KEBANGKITAN TUHAN YESUS)

Hita na hinaholongan ni Tuhan Jesus Kristus! Paskah marharoroan sian hata Heber “pesakh” na marlapatan manalpuhon (melewati). Na marharoroan sian tradisi Jahudi, ima parningotan di haluaon na pinatupa ni Debata sian Misir, marhite na mandaishon mudar ni birubiru tu tohang ni jabu, asa salpuhonon ni Debata hamatean tu anak buhabaju nasida. Pesta Paskah ima haluaon, hatuaon ni angka na porsea di bagasan Jesus Kristus. Mudar ni Jesus ima tanda na nilehon ni Debata bahen pardengganan tu angka jolma na hinonghopNa I sian dosa nang hamatean i. Haheheon ni Kristus I, ido unok ni panindangionta, ai tarjou do hita gabe sitindangi ni haheheonNa i. Sitindangi na parjolo di haheheon ni Tuhan Jesus ima angka parompuan na naeng mamiahi bangke ni Jesus. Dungi sisean I ima si Petrus dohot si Johannes. Dipataridahon Jesus do diriNa tu sisean na sampuludua I, tu 500 halak, tu natorop, deba naung monding, tu si Jakobus, dohot do tu si Paulus (1 Korint 15:5-8).dipataridahon diri marhite tanda leleng ni opat pulu ari (Ul.1,3), dipatadihaon diriNa manang piga hali tu siseanna I (Markus 16:9), dipataridahon dirina di huta Emmaus (Lukas 24:13), dipatarihadon dirina tu si Maria Magdalena (Yoh.20:11), dipataridahon do diriNa tu si Tomas (Yoh.20:24). Silang ni Kristus I do sitindang, na gabe lombulombunta laho mangalo nasa sitaonon na songgop, ai dibalik ni I adong bagabaga las ni roha di angka sitindangi na haposan di tongatonga ni portibion.

Parjolo, Unang mabiar hita, ai nunga hehe Kristus i

Hita na hinaholongan ni Tuhan Jesus Kristus! Di buhabuha ijuk, di ari parjolo, ro ma si Maria Magdalena dohot si Maria na sada maningkir tanoman i. Di na ro i lalo na gogo; tuat ma surusuruan ni Tuhan sian banua ginjang, digulang ma batu i, laos hundul diatasna, rupana songon hilap, saksak do ulosna songon hapur. Dibahen I angka dotdot ma angka parjaga i dibahen biar ni rohanasida, hira na mate do. Alai ninna surusuruan i ma mandok parompuan i: Unang hamu mabiar, ai huboto, dilului hamu do Jesus, naung diparsilangkon, ndang dison Ibana. Ai nunga hehe Ibana, songon na nidokna hian. Pajonok hamu ma; ida hamu ma inganan hapeahanna i! Parompuan dohot angka parjaga gabe sitindangi di haheheon ni Tuhan Jesus i. Ndang tarida disi angka malim, sibotosurat, parise, termasuk angka sisean i. alai didok surusuruan I do tu angka parompuan I, asa hatop nasida laho tu angka siseanna i paboahon, naung hehe Ibana sian na mate, jadi joloananna do hamu tu Galilea, disi ma idaonmuna Ibana; nunga hupaboa i tu hamu.

Paduahon, Marlojong ma hita mamaritahon haheheonNa i.

Hita na hinaholongan ni Tuhan Jesus Kristus! Hatop ma angka parompuan I laho sian tanoman I, mabiar huhut las situtu rohanasida; marlojong do nasida laho mamaritahonsa tu angka siseanna. Laos ro ma Jesus mandapothon nasida, ninna ma: Dame ma di hamu! Dung i dipajonok nasida ma, dihaol ma patna, huhut manungkap tu jolona. Jadi didok Jesus ma tu nasida: Unang hamu mabiar, laho ma hamu mandokkon angka anggingku tu Galilea, disi ma idaonnasida Ahu! Huaso ni haheheon ni Tuhan Jesus I adong pardamean ni Debata dohot jolma, jolma dohot portibion, hadameon (kesejahteraan) ima na ro sian Debata tu tongatonga ni hajolmaon, jala laos margogo laho mamaritahon Barita Nauli I, parjolo tu angka sisean I naung sanga mulak tu Galilea muse marjala dengke, asa gabe sijala jolma. Marhite haheheon ni Tuhan Jesus I pataridahon tu hita ima;

a) Nunga talu huaso ni banuatoru na mangihoti ngolu ni jolma I, gabe mangolu di bagasan haimbaruon dohot las ni roha. Ndang tinggal angka na porsea I di bagasan tanoman I, ai na sian tano mulak tu tano, na sian Debata ima tondi mulak tu Ibana.

b) Tuhan Jesus I ido Raja ni angka raja, Tuhan ni angka tuan, ai Ibana do dalan hangoluan I, nunga mungkap dalan tu banua ginjang, inganan ni angka na porsea i.

c) Marhite huaso ni haheheon ni Tuhan Jesus, asa somba tu Goar ni Jesus nasa ulu ni tot, na di banua ginjang I dohot na di tano, nang na ditoru ni tano, jala asa nasa na marsoara marhatopothon: Jesus Kristus do Tuhan, bahen hasangapon ni Debata Ama!

Antong marhite huaso ni haheheon ni Tuhan Jesus I lam margogo ma hita jala bersemangat mangalo nasa dosa, ulaon haholomon, hagiothagiot ni portibion parsatongkinan I, alai na mangarade do hita di ngolu  ag ok las ni roha di ngolu sinuaeng on dohot di ngolu na salelenglelengna i. Amen.

14. Bernyanyi  BE. 96:1”Nunga Talu Hamatean” (P.Pelean)

   Nunga talu hamatean dibaen Tuhan Yesus i.

Ai na hehe do Ibana songon na nidokNai.

Reff :  Haleluya, Haleluya, nunga hehe Jesus i  (2x)

Marlas roha be ma hita, Ala hehe Jesus i,

Ai malua sude sude hita sian hamagoan i.

Reff; Halleuya, Haleluya, Yesus bangkit dan menang (2x)

15. PARSURUON MANGOLU DIBAGASAN HATA NI DEBATA 

u:    Pos ma rohanta di tingkion di naung tahangoluhon naung hehe Jesus i manaluhon hamatean, marhite haheheonNa. Gabe pasidohot hita dihamonangkon mangalo huaso ni sibolis songon i nang namasa dipartingkian on ima Virus Corona (Covid-19) na manusai portibi on, asa dipartingkian on dipangido do hasatiaonta laho mangoloi parsuruon ni pamarentanta na nilehon ni Debata gabe singkat ni tanganNa laho marsuru hita dohot mangalehon haluaonta. Dibahen i, tongtong ma hita marsihohot jala hehe sian angka hahuranganta, dohot hagaleonta, tajalo ma gogo sian Ibana, asa boi hita gabe siboan hamalumon dohot na gabe tiruan tu nahumaliang hita di haporseaonta, holongta!, dohot panghataionta! songon i nang pambahenanta!.

R:    Marende BE, 247 : 2 : Sai Hehe Ma Hamuna”

       Tangihon panjouNa tu hamusuon i. Ihuthon ma hataNa mangalo dosa i.

       Ibana do donganmu mandopang musu i. I pe tongtong haposi Tuhanta Jesus i!

U:    Unang ho mabiar, donganan ni Tondi  i do hita marhite huasoNa na margogoihon hita dohot mangajari hita. Baritahon ma barita na uli tu saluhut halak, jala jumolo ma sian dirim sandiri suang songon i di tonga ni keluarganta, tarlumobi di taon 2020 on, dipaingot do Hurianta HKBP marhite na patupa tahun “Orientasi Pelayanan Zending” asa marhite ulaon i dipaingot do hita asa tongtong mandok mauliate di sude pandonganion dohot panogunoguon  ni Debata di hurianta. Songon i nang parngoluonta siganup ari dohot panghaporseaionta. Marhite pasupasu i ma asa parsidohot ma hita manangiangkon Induk ni Hurianta songon i nang Induk ni Pamarentanta lumobi di Daerah Sumatera Utara on, dilehon ma bisuk dohot gogo laho mambahen angka haputusan haputusan na denggan di situasi ni panahit na ro di partingkian on. Songon i ma nang asa tongtong hita marningot habadiaon ni bagas joro ni Tuhanta dibagasan hasadaon na ginoaran Pamatang ni Kristus di sandok portibi on.

R:      Marende BE No. 666: 1 “Ingkon Do Boanonta Barita”

                        Ingkon do boanonta barita, tu inganan na holom i,

ima holong nang hasintongan, dame na manongtong i

dame na manongtong i.

                                    Reff. Ai naung binsar do hatiuron nunga salpu na holom i

                                           Huaso ni Kristus hot tongtong, salelengleleng na i

U: TANGIANG PELEAN – MINGGU PASKAH – TANGIANG PANUTUP