(02). SURAT HIMBAUAN PERTAMA PRAESES HKBP XXIX DELI SERDANG (COVID-19)

Lubuk Pakam, 23 Maret 2020

No.      : 07/SP/D-XXIX/III/2020

Hal      : Soso Taringot Tu Covid – 19

Lamp.  :

Mandapothon Nahinormatan :

Sude Ruas ni HKBP/Pandita/Uluan ni Huria/

Parhalado sa Distrik XXIX Deli Serdang

Di :

Ingananna be

Tabe di hamu dibagasan goar ni Tuhanta Jesus Kristus.

Manguduti surat Parmahanion ni Ompui Ephorus HKBP, Himbauan ni Pamarenta, dohot perkembangan na masa marhadomuan tu mara namasa di sandok Portibion ima Pandemi Virus Corona (Covid-19), na mambahen torop na marsahit, suang songon I torop na agoan hoasa. Siala ni I marhite surat on nisosoan ma: 
1. Huria HKBP ingkon mendukung dohot manangianghon sude nasa usaho na pinatupa ni pamarenta laho pasohon mara I, jala denggan ma taoloi angka arahan na pinasahat ni pamarentanta.Pinangido ma asa ganup huria pasohothon nasa parpunguan di tongatonga ni huria sahat tu na adong muse boaboa laho mangudutisa.
2. Pinangido parmingguon di ari : 29 Maret dohot 5 April 2020 dipatupa di bagasta be, (Mansohot ma parmingguon di gareja, jala pinasahatma tu Pandita Ressort/ Uluan ni huria patupa acara minggu dohot jamita sisagihonon tu ruas laho pangkeon nasida).

Songon I ma hupasahat hami surat sosososo on tu hamu saluhutna Ruas/Pandita/Uluan ni Huria dohot Parhalado na adong di HKBP Distrik XXIX Deli Serdang on. Di panjakhononta dohot diharadeonta hupasahat hami ma mauliate. Tuhanta Debata pardenggan basa I ma, na tongtong mangaramoti jala mamasumasu hita, jala sai tibu ma salpu angka mara sian tongatonganta.

Tabe mardongan tangiang,

HKBP Distrik XXIX Deli Serdang

Praeses,

      Dtd.,

Pdt. Same Siahaan, S.Th

Tembusan:

1.      Ephorus HKBP (Laporan)

2.      MPSD/Kabid/MPS Distrik XXIX DS

3.      Pertinggal