MENYIKAPI
SITUASI “PHYSICAL DISTANCING”
MEMBERANTAS PENYEBARAN CORONAVIRUS DISEASES – 19 (COVID – 19)
DI HKBP PETUARAN RESSORT PERBAUNGAN
RABU 13 MEI 2020 PUKUL 19:30 WIB
P A
N G A R A D E O N
ü Paradehon Buku Ende, Bibel, tarlumobi roha di bagasan haporseaon di Tuhan
Jesus Kristus
01. MARENDE
: BE. HKBP. NO. 11: 1 – 2 AHA MA
ENDEHONONKU BL. 185.
1. Aha ma endehonongku, asa pujionku Ho, ale Tuhan Debatangku,
sai urupi au gogo. Ai
ndang tarpajojor ahu, asi ni rohaM di ahu.
Ala ni hupuji Ho, tung
marribu hali do.
2. Sai sungguli ma rohangku, mangendehon gogoMi, dohot
asi ni rohaMu,
ro di habasaronMi.Ai i
do dihatindangkon tondi dohot pamatangku.
Ala ni hupuji Ho, tung marribu hali do.
02. VOTUM
– INTROITUS - TANGIANG
P: Marhitehite Goar ni Debata Ama, dohot Goar
ni AnakNa Tuhan Jesus Kristus, dohot Goar ni Tondi Parbadia na tumompa langit
dohot tano on.
K: Amen.
P: Marsoara olopolop ma hamu paboahon,
patubegehon hata i, pasar hamu ma i ro di ujung ni tano on, dok hamu ma : Nunga
dipalua Jahowa naposoNa si Jakop. Marolopolop tu Debata ma ho, ale sandok tano
on ! Endehon hamu ma hamuliaon ni
GoarNa, marmulia ma bahen hamu pujipujianNa. Haleluya ... ! Martangiang ma hita
! Ale Tuhan Debata, Pargogo na so
hatudosan ! Holan ala ni asi ni rohaM sambing do, umbahen tarbahen hami
marpungu di joloM, marsada ni roha martangiang tu Ho. Diparbagabaga Ho do di
bagasan HataM : Molo adong dua manang tolu halak marpungu marhitehite GoarMu,
lehononMu do na pinangidonasida. Ale Tuhan pasaut ma bagabagaM i, tangihon ma
pangidoannami, lehon ma na tau hangoluannami. Lehon ma di hami saleleng di
hasiangan on parbinotoan di hasintonganMi, dohot di hangoluan salelenglelengna
marhitehite AnakMu, Tuhan Jesus Kristus, Tuhannami. Amen.
03. MARENDE
: BE. HKBP. NO. 487 : 1 – 2 “TUNG
HALAK NA MARGOGO”
1. Tung halak na margogo si partangiang i. Dokdok pe si taonnon, ndang olo talu i.
Pos situtu roha na di Debata na i. Tuhan
na manaluhon sude pangalo i.
2. Nang hirahira mogap dibaen sitaonon i, Marsinggang
do Ibana managam Tuhan i.
Dung jumpang pe
tingkina sumurut arsak i, Tarapul ma rohana dibaen Tuhanna i.
04. EPISTEL
: 1 Kronika 17 : 16 – 27
P: Turpuk Epistel di partangianganta di bodari
on tarsurat di 1 Kronika 17 : 16 – 27, tajaha ma marsingkat sorin, Dung i masuk
ma raja Daud tu bagasan undungundung i, laos hundul ma ibana di adopan ni
Jahowa, ninna ma: Tung ise ma ahu pola, ale Jahowa Debatangku, jala tung ise ma
pola anggo pinomparhu, umbahen tung diboan Ho ahu sahat ro tuson?
K: Angkup ni maotikku dope i di roham, ale
Debata! Pola huhut marbagabaga Ho taringot tu pinompar ni naposom, taringot tu
na masa sogot, jala nunga ditatap Ho ahu, songon panatap ni jolma, ale Jahowa,
Debata na di ginjang i.
P: Tung aha dope angkupni sidohonon ni si Daud
tu Ho? Ala hamuliaon na binasabasahonmu tu naposom? Alai tahe ditanda Ho do
naposomon.
K: Ale Jahowa, ala ni ahu naposomon, jala
hombar tu lomo ni roham nunga dibahen Ho saluhut halonganganna bolon on laho
pabotohon sude angka habalgaon on.
P: Ale Jahowa, ndang adong nanggo sada
tudoshon Ho, jala ndang adong Debata dungkon ni Ho, hombar tu saluhut naung
binege ni pinggolnami.
K: Jala tung didia ma adong jumpang sada
bangso di tano on, songon bangsom Israel, pola tung Debata sandiri borhat laho
manobus sada bangso ainonna dohot laho mambahen Goarmu marbarita marhite sian
halongangan bolon dohot na songkal, laho pabalihon angka bangso parbegu
maradophon bangsom na tinobusmu sian Misir.
P: Jala nunga dipadiri Ho di Ho bangsom Israel
bahen bangsom ro di salelenglelengna, jala Ho, ale Jahowa, gabe Debatanasida.
K: Antong ale Jahowa, sai pahot ma hata naung
pinarbagabagami tu naposom taringot tu pinomparna sahat ro di salelenglelengna,
jala bahen ma hombar tu na pinarbagabagami!
P: Olo sai sintong ma i, jala lam tu timbulna
Goarmu ro di salelenglelengna asa dohonon ni halak songon on: Jahowa Zebaot do
Debata ni Israel, Ibana tongon Debata humongkop Israel, jala hot do ia pinompar
ni naposom si Daud di jolomi.
K: Ai Ho ale Debatangku, nunga dipapatar Ho tu
pinggol ni naposomon, paboa ingkon paulionmu di ibana sada bagas; ala ni do
umbahen hum roha ni naposomon martangiang di adopanmon.
P: On pe, ale Jahowa, Ho sandiri do Debata,
jala nunga diparbagabaga Ho tu naposomon hata na denggan on.
K: Antong, nunga sapala lomo roham mamasumasu
pinompar ni naposomon, asa hot di adopanmu ro di salelenglelengna; ai manang
ise na pinasupasum ale Jahowa, i ma dapotan pasupasu ro di salelenglelengna!
P: Ima sahatna. Martua do angka na tumangihon
Hata ni Debata dohot na umpeopsa. Amen.
05. MARENDE
: BE. HKBP. NO. 750 : 1 “TU TONDINGKON O JESUS”
1. Tu tondingkon O Jesus, patolhas HataMi. Asa
sonang rohangku unang sai ganggu i.
Rohangkinon dohot tondingkon naeng tumangihon Ho,
Dison do au NaposoMon rade tumangihon Ho.
06. JAMITA
: Lukas 18 : 1 – 8
Hita na hinaholongan ni Tuhanta
Jesus Kristus. Ra, nunga somal tabege
turpuk on. Adong do na mandok, on ma sada perumpamaan taringot tu sahalak
parompuan na gigih, na so mura putus asa, na torus memperjuangkan na sinitasintahonna.
Tiruon ma on di hita, tarlobi di angka parompuan. Karena tidaklah mudah untuk
mendapatkan sesuatu. Tidak semua jalan yang kita jalani selalu mulus. Alai disi
ma tiruonta parompuan on. Dia gigih. Ketika sekali gagal, dia tidak langsung
jatuh, tetapi mencoba lagi. Kita harus gigih berjuang untuk mencapai yang kita
cita-citakan. Songon barita ni si Thomas Alva Edison, laho menemukan bola
lampu, ribuan kali dia gagal. Tetapi dia terus mencoba dan memperbaiki.
Akhirnya, dia berhasil. I do ala didok na pistar : Jangan pernah hitung berapa
kali kau jatuh ; yang perlu adalah, berapa kali kau bangkit lagi. Alani, unang
pintor mandele ; alai berjuang terus. Adong sahalak natuatua dohot mendaki
gunung. Boi do sahat ibana tu puncak nang pe tutu mansai leleng. Heran ma sude
angka na umposo. Disungkun ma ibana, boha do resepna. Didok ibana : On do hudok
tu diringku : langkahon ma, nanggo apala salangka nari. Songon i ma nian hita.
Molo sahali gagal, jangan putus asa, berusaha lagi.
Hita na hinaholongan ni Tuhanta
Jesus Kristus. Di turpuk on diumpamahon
do halak na martangiang tu sahalak ina na mabalu dohot sahalak panguhum na so
denggan reputasina, na so manghabiari Debata, jala ndang dipardulihon jolma.
Adong perkara ni inanta i. Ro ma ibana tu panguhum nangkin. Pangidoanna ima :
“Pintori ahu maralohon alongki”. Lapatanna : “Jalo ma perkarakon, urupi au
pamonanghon perkarangkon”. Ndang dipaboa pola ise alona na berperkara, jala aha
isi/pokok perkara. Alai, goarna ma hakim na so parduli. Ndang dipardulihon
manang aha. Apalagi on, sahalak na mabalu do na ro. Sama sekali tidak digubris.
Ra didok : Laho ma ho ! Ndang adong be na tarbahen ina na mabalu i. Holan sada
do. Dia ma i ? Ro ibana muse. Tong muse ditolak. Diulakhon ibana muse ro.
Songon i ma torus manorus. Ganup ari ibana ro tu hakim i dengan permintaan yang
sama : Pintori ahu ! Aha ma na masa ?
Gabe Gelisah ma si hakim i. Gabe dirina ma alona. Gabe didok ma tu dirina :
Tutu do, ndang huhabiari Debata jala ndang parduli ahu di jolma. Alai hupintori
nama na mabalu on, ala dinengnengi ahu, atik beha ro ibana maon muse
manggariangi ahu. Ndang apala mabiar ibana tu serangan fisik. Ndang ! Alai,
kegigihan ni ina na mabalu i do. I do na menaklukkan ibana.
Aha ma na naeng dohonon ni
umpama on tu hita ? Dipatorang Jesus do di ayat na mangihut : Tangihon hamu ma
pandok ni panguhum na geduk i ! Hata ni Hakim i do siparrohahononta. Tusi do
lehononta perhatian. Dia ma i ? Didok ibana : Alai hupintori nama na mabalu on,
ala dinengnengi ahu. Sian i ma dibahen Jesus perbandingan laho paposhon rohanta
: Ia Debata, tung so pintoranna ma angka na pinillitna, angka na manjou Ibana
arian dohot borngin ? Tung pangerngeronna ma di nasida ? Hudok ma di hamu :
Magira ma pintoranna nasida ! Na naeng dohononna ima : Molo hakim na tangkang
pe olo mamintori ina na mabalu na so dihadihana i, ba lam ma Debata maradaophon
hita angka anakhonNa, na hinaholonganNa ? Mansai ambal situtu do perbedaan ni
Hakim i tu Debatanta. Ibana hakim na so parduli tu Debata manang tu jolma.
Ndang adong partalianna, hubunganna tu na mabalu i. Hape Debatanta, ima Debata
naung manghaholongi hita, bahkan naung mangalehon Jesus AnakNa laho manobus
hita. Debata na sai manarihon sude na ringkot di hita. Naung mambahen hita gabe
anak haholongan ni rohaNa. Molo hakim i ima na so parduli di Debata dohot di
jolma, ianggo Debatanta ima Debata na sai manghaholongi hita, na parduli di
sude persoalan ni ngolunta ! (songon nidok ni ende i : Allah peduli, Allah
mengerti, setiap persoalan yang kita hadapi ... tak akan pernah
ditinggalkan-Nya, ku bergumul sendiri, s’bab Allah peduli). Ai dompak hita do
sipareon ni Debata arian dohot borngin. Dompak hita do nang simalolong ni
Debata arian dohot borngin. Gariada tahe, di Jesaya 49:16, didok : Aku telah
melukis engkau di telapak tangan-Ku. Di telapak tanganNa do hita, diida,
ditanda, diboto, dibege do hita. Asa, molo Hakim i pe olo mamintori, manangihon
pangidoan ni na mabalu i, ba lam ma Debata ?
Hita na hinaholongan ni Tuhanta
Jesus Kristus. Nuaeng, diperhadapkan ma turpuk jamita partangianganta on tu
parngoluonta siganup ari. Tarlumobi ma na taadopi dope situasi na mansai maol
jala na so lazim on dope. Secara logika naeng dohononta do di ganup ngolunta be
: Hira so adong dope na boi sihirimon di situasi on. Memang, sada sisi
panghirimonta dilehon do marhite angka data na diparade tu hita, ima nunga
mansai godang na sembuh hari demi hari, ima angka donganta na malum sian
terjakit Covid 19 on. Alai na mandok nunga kondusif jala normal be situasita
on, ndang dope. Jala sadia leleng nari ingkon tabolus situasi on, hira so adong
dope na mamboto. Molo tarajumi nunga deba sian hita on nunga adong tubu
pandelean ni ibana, ra alani hamaolon on, nunga maol be mangalului sialangon
siganup ari, songon dia ma masa depan parsingkolaonhu. Atik na songonsongon do
torus na masa on ?
Alani, dijouhon turpuk di Minggu
Rogate on do tu hita : Pasahat ma sude perkaram, aha persoalanmu, masalahmu, na
dokdok/na solot di roham. Tangianghon torus manorus, unang mandele. Perjuangkan
ke hadapan Allah. Tuhan pasti akan menjawabmu. Alai, paloas ma Debata
mangalehon alusNa sian kedaulatanNa. Alani, tajugulhon ma martangiang, jala
tadok ma : Unang ma lomo ni rohangku, alai lomo ni rohaM na saut. Amen.
07. MARENDE
: BE. HKBP. NO. 695 : 1 – 2 “JESUS TUHANHU DI HO MA AU ON”
1. Jesus Tuhanku di Ho ma au on, Asa mangihut
tu Ho au tongtong
Gohi rohangku
ingani au on. Sonang di Ho tongtong, O Tuhan togu ma au.
O Tuhan togu
togu ma au, Gohi rohangku ingani au on, Sonang di Ho tongtong.
08. TANGIANG
PANGONDIANON
09. MARENDE
: BE. HKBP. NO. 316 : 1 - ... “NUNGA LAO MUSE SADARI”
1. Nunga lao muse sadari Jesus sian bohalhon. Sai
paingot au saonari
Manang burju rohangkon. Jala
tudu ma sude Na hubaen na so ture
Asa
sae annon dosangku Jala sonang ma rohangku.
2. Lan do dapot pambaenanku Sogo ni rohaM hape. Ai
gok dosa do rohangku
Sala do hatangku pe.
Ganup tongkin ma tutu Ndang marningot au burju
Di
sude na pinatikMu Ala ni godang dosangku.
10. TANGIANG
PELEAN, ALE AMANAMI, PASUPASUPASU, ENDE PANGUJUNGI
P: Tatangianghon ma peleanta, martangiang ma
hita. Ale Debata, Amanami na di banua ginjang, Ho do haroroan ni saluhut
silehonlehon na denggan dohot nasa ulibasa na mauliutus. Hupasahat hami ma sian
na nilehonMi tu hami, peleannami tu Ho. Sai jalo ma i gabe uap na hushus di
joloM. Pasupasu ma i jala ramoti asa huparhaseang hami pelean on, patimbulhon
harajaonMu di tongatonga ni HuriaM dohot di portibi on. Buhai ma rohanami
marhitehite TondiM, asa lam hutanda hami godang ni silehonlehonMi tu hami, asa
lam girgir hami mandok mauliate tu Ho, marhitehite Jesus Kristus Tuhannami.
Amen. Rap ma hita mandok di Tangiang Ale Amanami ... (Molo parhalado
partohononan jumolo ma mandok Tangiang Pasupasu). Alai molo ndang langsung ma
mangendehon :
K: (MANGENDEHON) BE. HKBP. NO. 36 : 3
“PASUPASU HAMI”
3) Amen hudok hami, ale Tuhannami ; na marasi roha i, sangap ma di goarMi.
Komentar
Posting Komentar